بسم الله الرحمن الرحيم
خلطه تبييض جديده ماتاخذ من وقتج دقايق تبييضها عجيب وتصلح للاماكن الغامقه في الجسم وتصلح للسيقان وتعطي لمعه للجسم وانتعاش ونظااافه
صارلي فتره أسوي هالخلطه الحلوة اللي ماتحتاج منج خلط يوميا ولا تعب يعني تخلطينها وتحطينها بعلبه وتستخدمينها متى مابغيتي الخلطة مكوناتها حلوه وتبييض وتنعم
شوفوا الخلطة وشوفوا مكوناتها
- علبه سنفره المشمش الأصلية تلاقونها عند مركز السلطان هذي اللي اضمنها تكون أصليه ميه بالميه
- ثلاث أرباع كيس من ملح الحليب يوكو سبا الأصلي تلاقونه عند العطارين وسوق الفلبن
- ملعقتين كركم جسم
- 3ملاعق سفيد اب حجر ابيض إيراني
- 3ملاعق بودرة اطفال جونسون
- اشويه ماي ورد حسب حاجه الخلطة
-*** زيت اللوز المر اشويه للي بشرتها جااافه حيل انا شخصيا ما أحطه بس اللي بشرتها جافه تحط منه بقدر حاجتها ***
يالله
بسم الله
نبتدي
ون
تو
ثلاثه
الطريقه الرقيقه
اخذيلج طاسه صغيرونه وحطي فيها سنفره المشمش فرغيها كلها من العلبة وحطي فوقها ملح الحليب وخلطي عدل مدل وبعدين كركم الجسم وخلطي عدل مدل وبعدين السفيد اب وبودر الاطفال وخلطي وخلطي اذا شفتي المكونات يبست السنفره زيدي اشويه ماي ورد بس اشويه مو تقولون ماااقلت اشويه لانج اذا حطيتي وايد بتسيح الخلطة
وعقب حطي الخلطه في علبه جديده واستخدميها مثل أي سنفره وممكن تخلينها في الحمام وانتوا بكرامه عادي مايضرها شي إن شاء الله واذا تبين لاستخدام واحد بس زيديها هرده او ليمون او زيديها طحين نخي او روب او عيش مطحون من هالشغلات الحلوه للجسم انا شخصيه استخدمها بروحها بس انصحكم بهالاضافات لانها حلوه بس تظيفونها للمره الوحده يعني تعزلين الكميه اللي تكفي جسمج وتحطين عليها اللي تبينه من المكونات الطبيعيه
<<<>> وطريقة استخدامها<<>>>
تتسبحين وتتليفين في أي صابونه عندج او مرتاحه عليها وعقب تغسلين وتحطين هالخلطه على جسمج وزعيها على الجسم كاااامل والإبط والأماكن الحساسة وخليها على جسمج جم دقيقه وبعدين ابتدي في فرك الخلطة على جسمج بشكل دائري في كل مكتن حطيتي فيه الخلطة وعقب ما تفركينها خليها دقيقه بعد قبل لاتغسلين وبعد ماتغسلين تنشفي عااادي ونعيما
هالخلطه تبييض وتنعم واااايد وتلاقين نتيجه بالنظاافه والانتعاش و بالنعومه أول شي ومع الاستخدام تلاقين توحيد لون وتبييض انا استخدمها مره الى مرتين بالأسبوع بصراحة تهبل واترك التجربه لكم وهمن عندي خلطه جديده في قيد التجريب اعده اجربها وبوافيكم في نتايجها بعدين
نصيحه جربوا هالسنفره او هالخلطه بتعجكم ان شاء الله
و
وللامانه الموضوع منقول من العضوه الرائعه مزيونه وشقره صاحبة الخلطه الصابونيه
لان هالخلطه عجيبه وتستاهل كل بنت تجربها لجسمها ونعومتها
توته الحدوته @toth_alhdoth
محررة برونزية
سنفرة السنفرات لاحلى بنات **سنفرتي= نعــومه+ تبييض+ نظافه=روعه من خلطات مزيونه وشقره
50
30K
يلزم عليك تسجيل الدخول أولًا لكتابة تعليق.
gogitta
•
ماشاء الله...شكلها رووووعه....بجربها مع الليمون باذن الله
نت سي
•
اختي بسألج شو سفيد اب حجر ابيض إيراني ؟؟؟ مافهمت ومن وين ناخذه؟؟
بالنسبة للسنفره انا عندي سنفرة مشمش بس تكون شرات الكريم تنفع؟؟؟؟
وبالنسبة للكركم ينفع الكركم العادي؟؟
مشكوووره
بالنسبة للسنفره انا عندي سنفرة مشمش بس تكون شرات الكريم تنفع؟؟؟؟
وبالنسبة للكركم ينفع الكركم العادي؟؟
مشكوووره
قوقيتا
مرورك هو الاروع وفعلا هالسنفره رووووووعه بمعنى الكلمه
الجوري
همسات الليل
العفو حبايبي نخدمكم بعيوننا
مرورك هو الاروع وفعلا هالسنفره رووووووعه بمعنى الكلمه
الجوري
همسات الليل
العفو حبايبي نخدمكم بعيوننا
الصفحة الأخيرة