السلام عليكم ورحمة الله وبركاته
بتستغربو عنوان الموضوع
لكن شوفو اللي حصل بتعرفو السبب
بنتي الكبيرة في صف رابع ابتدائي كانت من قبل تدرس في مدرسة بعيدة عن البيت والسنة هذي حصلت مدرسة عند البيت قالو انها ممتازة ونقلتها عليها
من اول يوم جاتهم المعلمة المسئولة عن فصلهم
وجت تختبرهم رياضيات
سئلت سؤال ورفعت بنتي يدها بتجاوب وقومتها وجاوبت خطا تعرفو ويش قالتلها المدرسة : اجلسي اجلسي ولا عاد تقومي مرة ثانية << تقولها بعصبية
جت بنتي خايفة منها وتقلي الابلة العصبية انا قلتلها ما علية ثاني مرة حاولي تركزي وبتكون اجابتك صحيحة
قالت لا ما برفع يدي مرة ثانية اخاف << المفروض تشكرها انها حاولت مو تخوفها
انا طمنت بنتي وقلتلها يا ماما انتي رابع يعني كبيرة المفروض ما تخافي
طبعا المدرسة العصبية قالتلهم : في اي يوم اغيب بيكون درس المادة اللي عليكم ماخوذ خلاص << يعني ما بتشرحلهم الدرس لا جت ثاني يوم
قلت لبنتي ما علية انا اشرحلك << بنتي تقلي طيب انا عندي ام تشرحلي واللي ما عندها ماما ايش تسوي ؟؟
في درس القواعد سؤال : اكتبي جملة مفيدة عن الام ؟
بنتي كتبت : الام الصدر الحنون
تتوقعو ايش قالتلها المعلمة ؟؟ قالت : بلا صدر حنون بلا كلام فاضي ... الام هي التي تطبخ وتنظف << شكلها ماخذة فكرة سيئة عن الام ؟؟؟
وانا طوال هذا الوقت ساكته اقول بتتحسن
اليوم جت الطامة الكبرى ................
جتني بنتي وعيونها منفخة من كثر البكى ....
تابعو معايا الحوار اللي حصل بيني وبين بنتي ...
ايش فيكي يا ماما تبكي ؟؟
المعلمة ضربتني كف على وجهي ؟؟ <<< والله اصابعها الاربعة معلمة على وجه بنتي الله يكسر يدها
لية يا ماما لايكون اخطيتي عليها ؟؟
لا والله يا ماما جت المعلمة واخذت دفاتر الواجبات اليومية توديها للموجهه وجت تهاوش لية ما كملنا وكنت انا ومجموعة بنات ما كملنا الدفتر حقنا
وجت المعلمة سحبتني من خدي وقدام المعلمات والطالبات كلهم رفعت يدها الثانية لفوووووووووق وضربتني كف <<< جعل يدها الكسر
طيب والبنات الباقيات ضربتهم ؟؟
لا يا ماما انا الوحيدة وبعدين مسكت الكتاب وضربته في وجهي وقالت يالله شيلي الكتاب
والله اني صرت مثل المجنونة وبنتي تبكي
خلاص يا ماما ما ابغى اروح المدرسة مرة ثانية
انا خايفة تضربني مرة ثانية :(
والله قطعت قلبي عقدت البنت وخوفتها حسبي الله عليها
دقيت على ابوها في دوامه وجا يركض
شاف وجهها ويدق على صاحبة في ادارة التعليم :angry2:وحكالة القصة قاله يوم السبت تطلع امها للمدرسة تشتكي
ان اعتذرت المعلمة خلاص
ما اعترفت بغلطها تعال وانا اوريك ايش اسوي فيه
طبعا لان الدوام كان منتهي ما قدرت اسوي شي
لكن قلبي مثل النار
وبقلكم على اشياء ثانية قالتها لي بنتي
تقلي من اول يوم شافت اسمي .............................. البلوي قالت انتي بلوية قلتلها ايوة قالت حتى انا << < لا تعليق
تقول وسئلتني انتو ساكنين ................ قلتلها ايوة <<< يعني هذي تعرف مكان سكنا وتعرفنا ليه كذا تسوي
تقول بنتي مرة اعطت لكل البنات هدايا الا انا <<< حسبي الله عليها
وتقول يوم اتلو قران تقلي شاطرة وباقي البنات تحيهم << يعني تصفق لهم جتها صفقه يارب
والمسكينة من يوم جت الا الان وهي
والله يا بنات محروق قلبي على بنتي
خايفة بنتي تتعقد وينزل مستوها الدراسي <<< ما شاء الله عليها من المتفوقات << تفو ما شاء الله
وطبعا اقول لزوجي هذا الكلام ويقلي لا لا ماله داعي هذا الكلام << قلبه مو مثل قلبي
ويش رايكم في قصة الاميرة والوحش :(
اسمعي ياحرمه تراي عانيت من بعض الغوريلات بابتدائي والمشكله كنت الاولى ومؤدبه
وكل شي اجاوب وماسلمت حسبي الله عليهم :(
رايي تفركين بخشتها القاع حتى لو اعتذرت مايكفي البنت جتها عقده وصارت تخاف
ايش هذا رايحين نعلم بناتنا والا نطلعهم مريضات نفسيات
وبعد شوط المرمطه وتعليمها الادب انقلي بنتك ولا تخلينها يوم واحد عشان ماتنتقم او تحرض باقي المدرسات عليها
<<< وحده حاقده على الغوريلات