معاناتي انا وابوي ادخلي لو بدعوه بس وشكرا

السلام عليكم ورحمه الله وبركاته

كيفكم بناااااات

انا اليوم مره متضايقه والله احس اني مره مقهوره كل شي انقفل في وجهي وماااااعندي شي ابي احكي لاحد اخاف اندم بناااات انا ادرس المستوي الرابع في الجامعه الملك عبدالعزيز في جده وتعرفون الانتساب لازم الوحده تدفع 6000لسنه يعني لازم الحين3000ادفع عشان ادرس تخيلو ابوي كل سنه يتسلف عشاني واكمل بس عشانه وربي كتب اني اجيب معدل 2و49من 5وابوي مايقدر لان راتبه التقاعد 2700تخيلو رحنا انا وابوي وقدمنا اعفاء من الرسوم تخيلو وش قالو .....انتوا في الضمان قلنا لا لا قالو طيب بيتكم اجار قلنا الحمدالله لا قالت اجل مافي اعفاااااء قلنا لهم ان الراتب توه يكفي احتياجات اخواني لانهم كلهم يدرسون ولازم مصروف وادوات الدراسه وغير فلوس السواق الي يوديهم ويجيبهم بعدين سكتت وقالت طيب مين وراك انا انصدمت قلت ربي معاي قالت اجل مانقدر نساعدك بشي والله يابنات اني نزلت دمعتي وطلعت السياره مع ابوي قال لي بشري وش صار يابنتي قالت ابوي مافي امل والله يابنات ابوي نزلت دمعته وقال والله ان شاءالله تنحل يابنتي واليوم العصر صحيت قلت لامي وين ابوي قالت ابوك راح يتسلف عشان. يكمل المبلغ ولله يبنات اني رحت ابكي وابكي ودعيت اني استغفر الله اني امووووت ولا اشوف ابوي يتسلف عشاني ورجع المغرب قلت ابوي كيفك قال والله يابنتي مالقيت احد يسلفني تخيلو شفت ابوي وهو منكسر ومنزل راسه ومو قادر يحطه عينه بعيني ياعمري انا ماتحملت قلت يبه انت تاج راسي ولاتنحني راسك البنت ياابو مكانها البيت وانا خدمتك تسوي عندي الدنيا ومافيها قام بكي وقال والله ماتسيبنها لخليك تكملين مثل بنات. عمومتك واهل امك والله رحت وبسته علي راسه وقلت يابوي جعل يومي قبل يومك والله يبوي لبيع كل شي ولا اشوف دمعتك ومااااادري وش اسوي خلاص احس اني تعقد ومره مابي ابوي يتعب اكثر خلاص احس اني مره شايل همي ياااااابنات الله يخليكم الي تعرف اي شي اسوي ويعطوني الاعفاء او اي شي يساعدني ويقبلون طلبي وابي دعوه منك مالي غيركم ومشكورين الي دخلو عشان يكتبون اي كلمه الله يسعدكم ويفرج كربتكم ويشفي مراضكم ويرزق كل محرومه يارب ومعليش علي الاطاله بس ابس اريح راسي من التفكير والبكي