مسيحيه كاثولكيه استغفرت الله فرزقها الله بالذريه .. من زميلاتي بالعمل

السلااااااااااااام عليكم ورحمة الله وبركاته


كيفكم يالغاليات ؟؟؟

حابه انقلكم قصه وقفت عليها انا شخصيا

انا في مجال عملي معي فلبينيه مسيحيه كاثولكيه(اللي هم اشد ناس متمسكين بدينهم ) المهم اهي كانت وقتها متزوجه من اربع سنوات وكان عمرها 35 او 36 المهم كنت اسالها ماعندك اولاد قالت لا قلت ليش قالت مافيه سوت تحاليل واشعات هي وزوجها وقالولها سليمين كنت توني قاريه كتاب عن الاستغفار تحمست وقلتلها تبين تحملين بس توعديني انك تستمرين وانا اعرفها انسانه عند كلمتها وعمليه مره قالت ايه قلتلها بكل ثقه انا متاكده انك بتحملين قالت قولي

اخذت يدها وعلمتها كيف تستغفر باليد مية مره وحتى ماعرفت تنطق الاستغفار زين وكتبته بورقه صغير وانا قلتلها بس استغفر الله عشانها اجنبيه ويالله تنطق هالكلمتين
وش صارررر

والله الذي لا إله إلا هو ماكملت شهرين الا وهي حاااااااااااااااااااامل واهي مقره ومعترفه تقول اربع سنوات ماخليت شي ماسويته واستغفرت وحملت

والان عندها بنوته وعمرها 8شهوووووووووووووور


بنات ماذكرت لكم القصه الا ابي احمسكم واحمس نفسي اننا مانترك الاستغفار ابدا ابدا بنية ان الله يغفر لنا ذنوبنا ويعفو عنا ويرزقنا


وابي منكم هالدعوتين بس

ان الله يخليلي ابوي وامي واخواني قرة عين لي

ويعوضني بزوج صالح شاب اعزب ذو خلق وعلم ودين