أنا أقول على حسب شخصية ربة البيت اللي تريد تنكرف وتتعب جسديا وعادي عندها كيفها .. بس عن نفسي وايد أحب أدلل نفسي ولو حسيت محتاجة 3 خدامات وعندي قدرة بجيب ما عندي خلاف .. المهم أعيش أميرة في بيتي,.. وعيالي ما يقصرهم شيء ولا أتعب نفسيا موب قادرة ألحق طلبات زوجي وعيالي وبيتي وضيوفي ..


أنا بيتي يسمح بوجود خدم وزوجي اللهم لك الحمد ما يريدني أنا اللي أخدم يريدني أنتبه له ولعيالي وبس ..

وبيتي مقسم بطريقة ان الخدم وجودهم بعيد شوي عن أهل البيت .. والحمد لله مرتاحة ..


ما أظن له داعي نهاجم اللي عندها خادمة كأنها مجرمة في حق المجتمع أو ننتقص منها .. لولا الحاجة ما جابتها والناس قدرات أنا ما عندي قدرة أخدم وأغسل وأكنس بيت من طابقين و5 حمامات وغرف نوم ومطبخ ومجالس .. بس غيري تقدر الله يقويها ..

انا عندي شغاله بس انا موظفه ابيها وبنفس الوقت مابيها نقيدني بكل شي وعينها علي. لدرجه اول ماجت قالت مدام علميني كيف اصير زيك بيضا يمه منها تخوف. بعدين شوي شوي علمتها على السنع وكانت كله تطلب طلباتها من زوجي وكاني موموجوده لين هزائتها وصرخت عليها ما توجه له اي كلام. وجعععع والقهر طلبت منه يعطيها الرقم السري حق النت وعطاها. والحين تعودت على الواي فاي اخاف اقطعه تزعل   غير الاكل تنظف الثلاجه تنظيف ههههههه لدرجه تاكل المايونيز رغم انه نعطيها من اكلنا  وووو والله شرر لا بد منه. والمشكله بنتي عندها الله يعين. صار موضوع فضفضه

مع طبعاً

طيب اذا قلنا : مع او ضد
وش اللي بنستفيده من الاراء ؟
بتجيك الموظفة وتقلل من قيمة ربة المنزل وكانها طول الوقت متسدحه او لابسه عبايتها ما تجلس
وتجيك ربة المنزل وتقلل من قيمة الموظفة وانها مهمله بيتها عشان القرش والمشاوير
وكل وحده تحس انها لها حق في عاملة منزلية تساعدها وتشيل من الاعباء اليومية
مع العلم ان كل انسان من حقه يعيش بالطريقة اللي اختارها وشايفها بنظره صح وتناسب شخصيته وحياته الخاصة ومبادئه ومحد له حق يتدخل
سواء ربة المنزل او الموظفة




والصحيح بنظري : أي وحده تحس انها محتاجة عاملة منزلية ومستعدة ماديا ونفسيا لاستقبالها والتعامل معها . . ليه لا ؟
مو احنا اللي نحدد من يجيب العاملة المنزلية او عدمها ..
للعلم فقط : ماعندي عاملة منزلية مقيمة وهذا خياري الخاص وممكن بيوم اغير رأيي واجيبهم ويمكن لا

ماتفرق ربة منزل او موظفه


اللي محتاجه من يساعدها بشغل البيت ليش ماتجيب شغاله تخفف عنها


الانتقاد الوحيد اوجهه للي تجيب خدامه عشان تمسك عيالها وترضعهم وتحممهم وتنومهم


وفوق هذا تحملها شغل البيت والطبخ , وهي منسدحه وتاركه كل مسؤولياتها