السلام عليكم ياخواتي الغاليات.... الكل مايستغني عن مكعبات مرق الدجاج أو اللحم أو الخضار اللي نلقاها جاهزة في الأسواق لما لها من نكهة قوية وقوة على إعطاء نكهة نفاذة ولذيذة للطبخ. لكن هل فكرتوا في مكوناتها يوم من الأيام؟ مثال: واحد من أخطر المكونات هو مادة المونو صوديوم فوسفات وهو اللي يعطي الطعم اللاذع للمكعب ويحذر منه جميع الأطباء لاحتواءه عل ملح زايد ممكن يؤثر على الكلى... عشان كذا ليش مانسويه في البيت صحي ولذيذ ومعروفة مكوناته :cook:
أولا:
مكعب مرق الدجاج: دجاجة وحدة كبيرة 1000-1400 جم عشان تصير النكهة قوية. بإمكانك تقطعينها أو تخلينها كاملة وإذا حبيتي تقللين السعرات ممكن تشيلين الجلد. في قدر عميق حطي الدجاجة النظيفة الطازجة وزيدي الماء بكمية كبيرة حتى تتغطى وححطي ملعقتين أكل كبيرة ومليانة ملح الطعام الخشن (صحي ونسبة اليود فيه عالية لأنه غير مكرر) وحطي راس ثوم بدون تقشير وبصلتين كبار مقطعة أنصاق وكم عرق كزبرة ورق وبقدونس وعود كرفس وبهارك اللي تحبينه وممكن ماتضيفين بهار. إغلي المكونات لمدة عشر دقايق بعدين وطي النار وغطي القدر زين عشان ماتتبخر السوائل (حطي قصدير) وخلييه يطبخ ساعة ونصف حتى نستخلص أكبر كمية ممكنة من الدجاجة. بعدين شيليها من النار وصفي السائل (راح تكون كميته قلت) واستفيدي من الدجاجة بعمل حشوة سمبوسة أو مكرونة بالفرن:22:..... حطي السائل بالثلاجة يوم كامل وثاني يوم بالملعقة شوي شوي شيلي طبقة الدهن المتكونة وصبي السائل في قوالب الثلج اللي عندك وبالفريزر. لما تجمد حطي كل مجموعة في كيس وخليها بالفريزر حتى وقت الإستعمال... صدقونني الطعم ولا أروع وصحي مثل ماشفتوا بس أهم شي ركزي النكهة.. وبنفس الطريقة ممكن تسوين مكعب اللحم أو السمك أو الخضار... إن شاالله أكون أفدتكم وما طولت عليكم
Haya911 @haya911
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ماقصرتي