مدري والله يا اختي بس انتي كررتي اكثر من مرة انهم يقولون انك وسخة أخاف صدق هم يكونوا شايفين شي عليك او شامين منك ريحة وسخة عشان كده متضايقين منك!! و كمان تقولي انه امه لما كانت تشكي لأمك على قلة نظافتك بحضور زوجك هو ما تكلم يمكن صح الكلام عشان كده منقرفين منك!! معليش حبيبتي بس حاولي انك تهتمين بنفسك وبريحتك سواء جسمك أو فمك أو شعرك ترى أنا من الناس لو بنت زيي زيها وشميت فيها ريحة انقرف منها حتى لو بعيدة أحاول أتحاشاها كيف الزوج اللي يلزق بزوجته و يشم كل شي منها!! عشان كده اهتمي بكل النواحي عشان ما يمسكون عليك شي و على الأقل يغير زوجك نظرته فيك حتى لو قالوله وسخة بيكون هو مقتنع انك مو كده و بيتمسك فيك لكن ان كانوا هم يقولوا هالكلام عنك وهو بعد يعاني صدق ، فأكيد بيستغنى عنك بسهولة.. عموما الله يتمم حملك و يصير وضعك مع زوجك وأهله أفضل من الحين..

والله عندك وعندي خير توني راجعة من بيت اهلي ابكي

يالله الله يسخر لك زوجك ويرده لك ردا جميلا ويتمم لك حملك

وانا ربي يتمم علي حملي ويثبته

يابعد عمري إلزمي الدعاء ثم الدعاء قولي اللهم سخره لي كما سخرت البحر لموسى وكما سخرت الحوت ليونس وألنه لي كما ألنت الحديد لداود واجعل غضبه بردا وسلاما علي كما جعلت النار بردا على ابراهيم
اللهم ملكني قلبه ورده لي ردا جميلا
اللهم اجعلني احب النساء إلى قلبه وأجملهن في عينه
واكفنا شر أهله وشر من أراد بنا سوء
صدقيني انا زوجي يحبني بس كثير مشاكلنا والغلط دايم اشوفه منه ودايم تعبانه ومتضايقه منه لدرجه ابكي واعض اصابع الندم اني رضيت منه ودايم اشكي لأهلي واتبكبك إلين حتى هم إكرهوه وسجلت هنا اشكي وكنت متوقعه الطلاق ومره طلبت الطلاق منه من كثر يأسي وعدم احتمالي كان دايم يقول احبك بس يظلمني كثير ويبكيني كثير ويصارخ علي والله الجيران يسمعون حتى الأكل اللي اشتهيه مايجيبه وكذا مره وهومعصب يقول إجمعي عفشك
وانا مرات اقرر الطلاق ومرات اقول انثبر عنده من كثر ماأسمع هموم المطلقات وكلمة اصبري اصبري
إلين صرت عصبيه مثله واعانده وارد عليه اسوي عكس اللي يبي عشان اغيضه واخليه يعصب وكل من سولفت له بزوجي وتصرفاته يقولون تطلقي وانتي مغمضه حتى اهلي يحذروني من الحمل واني ماأستمر معه
وبعدين صرت ادعي خاصة الأدعيه اللي كتبتها لك 
ووكلت امري لله وقلت مثل ماجات النهايه معه تجي راضيه فيها سواء استمريت معه او طلقني قلعته ربي أعلم بالخيره لي..وسبحان الله صار انسان ثاني ثاني ثاني
لدرجه كنت اقول بنفسي شكله  يمثل علي وكلها يومين ويقلب..لكن سبحان اللي يغير ولايتغير عسى الله يثبته على كذا..الإنسان اللي كان يبكيني وماتهمه دموعي
 صارت دموعي تذبحه ولايتحملها ويسوي اي شي عشان مايكدر خاطري وكل شوي يرسل إذا كان طالع احبك ووو
حتى ابسط شي السوووق استحاله يدخله وقبل يومين نزلت موضوع هنا متعجبه من حالته وابي حل من البنات
يحلف بالله انه ماعمره دخل سوق وإذا احتجت شي يوديني مجمع نسائي او اروح مع اهلي تخيلي بعد كتابة الموضوع مادريت إلا وهويقولي ابشري باللي يرضيك صح مابي ادخل هالسوق بس لأجل عينك ورضاك اختاري اي سوق..فإدعي ادعي ووكلي امرك لله+خلي عندك ثقه ان الله بيستجاب لك وبيكتب لك الخيره من امره+طنشيه قفلي الجوال اللي يعرفه..لاتخلينه فاتح لأن لودق او ارسل ومارديتي يمكن الشيطان يدخل عليه من مدخل انك ماعاد تبينه..ولانبيك تردين عليه أبد لأنك ان رديتي وحس انك محتاجته اوتبينه ماراح ينفذ شروطك وممكن يتركك
الرجال محتاج انه مايوصل لك أبد..إذا بغى شي الله لايهينه يقابل الرجال ابوك او اخوك..ويشرطون بيت المفروض من الأول رحتي معه للمنطقه اللي يعمل فيها
بعدين فعلا اكبر غلط نزلتك كل يوم
وان رجعتي بإذن الله خلي علاقتك معهم رسميه بعد فتره طويله تسلمين على امه فقط..اما خواته اسحبي عليهم
بالإتصالات وإذا قابلتيهم سلمي وبس
وزوجك لاتصيرين بارده توددي له طيري فيه خليه يطير فيك..خليييييك جرييييئه معه..لوأنك لاحسه مخه بال..كان ماقدر يتركك كل هالفتره...خلي الخجل عنك..
وإذا هوعندك بالمسن او الواتس حطي صورة شموع رومانسيه واكتبي حكمه مثلا أناقة اللسان هي ترجمه لأناقة الروح ولاعاد تدخلين لامسن ولا الواتس خليه يغلي
وبإذن الله بيرجع لك وفي بيت لحالك

شوفي يا قلبي أنتي تحملتي الكثير وحاولتي بالي
تقدرين عليه تحافظين على بيتك وماقصرتي ..... أنتي راكضتي ورى زوجك وعطيتيه وجه
بما فيه الكفايه وشااااااف نفسه وصدق عمره والدليل تقولين له ليه نفترق وتعاتبينه وبعدها
يقولك أفكرررررر !!!!!!!! هذا أكبر دليل إنه شاف نفسه .... الذل والإهانه ماترضي رب العالمين
وتأكدي لو إنك غلطانه راح نصارحك ونوجهك بس بناء على كلامك ما صدر منك غلط ...
لكن زوجك حاط إذنه لأمه وخواته وهذا غلط ..... لذلك عزيزتي كلام أمك عين العقل
إذا تبين حياتك تستقر وتتهنين لازم تدوسين على قلبك شوي وتقوين قلبك
زوجك لازم يوقف عند حده ويفهمممممم أنه بنات الناس مو لعبه عنده ويتعامل معك بمزاجه
ومزاج أمه لازم الرجال يتدخلون بالموضوع لإنه ما يأدب الرجل غير الرجل
خلك في بيتك أهلك وعزي نفسك إذا إتصل خليه يكلم أمك وتقوله حنا الحريم مالنا
كلام بالموضوع تبي تتفاهم تعال قابل أبوها ...... وشروطك يكون لك بيت مستقل
ويحترمك ويقدرك ويعملك قيمه ويا يكون رجل وقد المسؤوليه ولا يتحمل نتيجة طيشه
وصدقيني يبون يغيظونك ولا الرجل إذا طلق حالته ماتختلف عن المرأه ..... وأمه عارفه
هالشئ زين مو من صالح ولدها يطلق وزوجته حامل لإنه بالنادر جدا بيحصل وحده
تقبل فيه مطلق وعنده طفل يعني الوضع متساوي معك بس حبو يلعبون معك بهالطريقه يبغون
يمشونك على هواهم حطي لهم حد وريحي راااااسك وإستخيري قبل كل شي ووكلي أمرك لربك
إذا بتقدمين تنازلت كثيرررره عن حقوقك صدقيني حالتك معه راح تززززززيد وللأسواء
لأنهم عرفو نقطة ضعفك وإنك ماتبغين تتطلقين وهم بيسون نفسهم عادي ماهمهم الطلاق بيشوفون
ردت فعلك .. زوجك يحتاج لموقف يهزه ويصحيه حتى يتمرجل صح ..... هذا رأيي وأنتي حره
والله يكتب لك إلي فيه الخير

العيب من زوجك شخصيته ضعيفه ومتحكمين فيه أهله

لازم يكون لك موقف حازم معه اولا شقه بعيد عنهم والشي الثاني حياتك ماحد يتدخل فيها ولا يسمح لاحد يتكلم فيك ،،،،،، وهو خليه يا خذ موقف من أهله عشان يستحو علا دمهم ،،،لان هو معطيهم وجه بزياده وقدروا يسيطرون عليه فلازم يراجع نفسه ويعرف ان أهله بيخربون بيته،،،!!!!!


وادعي ربي يسخره لك ويجعل كيدهم بنحرهم ،،،،، وربي معاك لأنك مظلوووومه....