الحمل والدراسه .. محتاره ابغى راايكم

وينكم

😢

الله يتمم حملك على خير يارب
والله مو عارفه بايش انصحك
بس عارفه الجامعه مشي وتعب وارهاق وانتي ببدايه الحمل
وحملك اعز من الدراسه وممكن تتاجل بس حملك غالي وجا بعد سنين ومو شرط تسافري لاهلك اجلسي ببيتك بس قبل الولاده روحي لاهلك بالتاسع مثلا ببدايته ونفسي عندهم .
وعارفه بتقولين فيه حوامل بالجامعه بس حملهم مو نفس حملك متاخر وجا بعد اجهاض وكل وحده لها ظروفها .
الله يتمم عليك يارب .

بما انك تبغي راي المجربات ف انا مجربه وان شاء الله راح افيدك
شوفي ي قلبي انا داومت في الجامعة وانا في اوول حملي يعني من الشهر الاول وانا اداوم جات الاجازه وانا في السادس
اول ثلاث شهور كان عندي فوبيا من الدوام واخذت حبوب دافستون وماني راضية اقطعها من خوفي بعد ماكملت ثلاث شهور زوجي صار يشجعني شوي شوي انو اقطعها لأن انا كان عامل نفسي عندي وقطعتهاو الحمدلله ماصار شي
وانتي ي قلبي عديتي الخطر والمستوى الجاي دوام يومين بس مرا حلو ما شاء الله وتقدري تتحكمي في المشي مثلاً الدرج لا تطلعي خذي مصعد وكمان مشي بين مباني الجامعة لا تروحي خلي حركتك من السياره الى كرسي القاعه ومن كرسي القاعه لسيارة وخلاص الحمدلله
انا التأجيل مااحبه مرا يلخبط الجدول وبدل ماتخلصي في سنه من الجامعة تخلصي منها في سنتين

انا مجربه الدراسه بالجامعه وانا من اول شهر بحملي لاخره
واهلي بنفس المدينه بس اقعد ببيتي الحمدلله بس اروح لهم شبهه يومي
بس انا يمكن غير عنك لانه اول حملي لي ماسبقه مشاكل
فكنت اروح للجامعه بمحافظه ثانيه بنقل فيه فوق 9 طالبات تخيلي جمس ونجلس متربعين ومعي بعد وحده حامل بنفس شهري ولا نفس الجنس 😁
من اول بداية النصف الاول انا باول شهر لي
كان اشد ارهااااااااق لي اقوم قبل اذان الفجر وتلبس وتجهز عشان انقل يصلي على طول ويجينا قبل تطلع الشمس عشان يلحق البنات
دايم اطلع وانا ماكلت شي اسوي لي كوب حليب الا هو عند الباب
وقسمي مررررهق تعب وخطر على الحامل
اشيل اغراض ثقيله ومكينة خياطه ولوح رسم كبار
ومواعين
واتعب بالنقل اذا جيت الظهر ديرتي موت حرها فضيع وظهر وحامل وزحمة بنات ويرقى الغثيان والحرقان يكتم نفسي اقعد اتشهد بالنقل يوميا على هالحال
ادخل للبيت اتخبط اركض للثلاجه اشرب سفن وبعدها يرووووح اللي كاتم علي
وكنت ادعي الله دايم وردد
اللهم اني فوض جميع اموري اليك
واحط ايدي على بطني واستودع نفسي واللي ببطني الله
استودعت نفسي وجنيني الله التي لاتضيع ودائعه


الارهاق والتعب مو بالدراسه ماتعب اذا وصلت للجامعه
التعب هو قومتي قبل الفجر ولا افطر
اطلع الفجر قبل الشمس ماتنور الدنيا ظلام
اركب بنقل متربعه مو كراسي وضيق
معي اغراض اشيلهم رايحه جايه
بالبيت اكرف للجامعه وببيتي لازم اكمل الاشغال المطلوبه مني
اكلي غير صحي ابد هذا الموجود بالجامعه سندويشات وفطاير وشبسات وشوكولاته وغازيات وعصاير معلبه


ومتى ولدت
اخر يوم بالتاسع جاني طلق وانا جالسه بالبيت اللعب بالجوال بالالعاب مريحه ولا عندي كليه ولا شي احتري غداي يخلص
يوم خلصت امتحاناتي العمليه امس البوم جاني الطلق
كان يوم اربعاء ولادتي والبنات مرسلين لي جدول الاختبارات النظريه اللي راح يكون السبت
مااختبرت النظري الا اخر ثلاث مواد بنفاسي


الحمدلله لحد اليوم احمد ربي واشكره انه سهل علي دراستي وخلاني ادرس وخلص ذيك السنه كانت ملياااااااااانه وكنت ابي خفف علي السنه اللي بعدها اذا كان معي طفل يكون ارهاق لي اشد
وصدق الحمدلله بعد ماجبت بنتي كان ماعندي الا ماده وحده حملتها بسبب تلخبط بالمواد يعني نقلتها غلط
وكان صعب اطلع من البيت وعندي صغيره قلبي بس معها هي عند اهلي وانا بمحافظه ثاني اروح الفجر
اودي بنتي بالليل لاهلي عند خواتي والفجر اتولم للنقل والنقل ينزلني ببيت اهلي الظهر ماصدق ادخل مع الباب الا اركض ادورها
الحمدلله الله ربي سهلها علي وفرجها علي
صدقين اسهل دراسه يوم كنت حامل كانوا كل الدكتورات متساهلات معي ويمشوني ويسهلون علي ويسمحون لي الصراحه نجحت بفضل الله ثم الدكتورات كلهم سعادوني ودفوني
ولا انا قبل الحمل اعوذو بالله مستحيل امشي لازم احمل مواد وبصعوبه انجح بس بالحمل شفت سهالات وتغاضي وراحه
وحملت ماده باواحد من اختباراتي الثلاثه اللي بالنفاسي السبب نقلت الماده غلط
كله من الخيوط هههههههههه


لذا مادري هل الشقاء اللي تبي تشقينه زي شقاي
هل فيه نقل مثلي وضيق وزحمه
وهل فيه اغراض تشيلينهم
انتي استخيري الحين صلي صلاة استخاره
ونصيحه شوفي دكتورتك هل تعطيك الضوء الاخضر ولالا
لان الدكتوره هي راح تشوف وضعك