الطريقه جدا سهله ولذيذه بس الحلو فيها انها لو في عزيمه هيطلع شكلها حلو زي المطاعم وفروج الطازج
اول حاجه نحضر دجاجه ونيجي من ضهرها ونفتحها من النص يعني من نص الضهر بالطول بعدين هتطلع الدجاجه مفروده ونفردها اكتر بايدينا
كان فيه صوره بس اتمسحت ان شاء الله الصور التانيه تبين بعدين نغسلها كويس بالدقيق والكمون والخل ونحط صنية الفرن على الغاز من فوق وعليها سمنه
او زيت ونقطع البصل حلقات ونسيبه لما يصفر في الزيت وومكن لو حابين تحطوا معاها فلفل اخضر وطماطم بس انا حطيت بصل وبس المهم بعد
كدا نحط الدجاجه في وسط الصينيه زي ماهو باين في الصوره ودا شكل الدجاجه وهي مفروده
بعدين نضيف على الدجاجه ملح وفلفل وبهارات اللي تحبوه ونعصر ليمونه بعدين نضيف كاسة مايه عشان الدجاجه ما تتحرقش ونفضل نقلبها شويه على الضهر وشويه على الوش
لحد ما تستوي يعني نحط نغز فيها الشوكه نلاقيها طريه ومستويه واذا المايه نشفت قبل ما الدجاجه تستوي نضيف مايه غيرها
بعدين نسخن الفرن ونحط الدجاجه فيه وقبل ما نحطها في الفرن نضيفلها كاسة مايه ونسيبها ساعه الا ربع وبعدين نحطها شويه
على الشوايه من فوق ودي صورة الدجاجه بعد ما طلعناها من الفرن
ودي صوره تانيه
واذا عندك عزيمه بعد ما تحطيها في صحن التقديم قطعي حوليها ليمون وفلفل وطماطم وبطاطس مسلوقه اذا حابين عشان تطلع زي المطاعم
وانا عملت معاه رز بالخلطه وطريقة الرز للاخت( قصيميه غير) وكل واحده وطريقتها
وبالهنا والشفا وان شاء الله الطريقه عجبتكوا
