صباح ... مساء الخيرات
حبيباتي الحوائيات .... ابشرررررررررركم واخييييييرا ولدت يوم الثلاثاء الموافق 15-1-1432 اللهم لك الحمد والشكر
طبعا انا كنت اليوم اللي قبله نفسيتي خايسة وتعبانة لأن الدكتورة اعطتني موعد طلق صناعي يوم الاربعاء يعني
قبل ماأولد بيوم وكنت مرررررة متخوفة منه وعمرررري ماجربته وكل اللي جربوه كلامهم يخوووف اكثر المهم
يوم الاثنين بالليل يعني على الساعة 11 نزلت علي السدادة طبعا انا ماأعرف انها السدادة وكتبت موضوع هنا
استفسر فيه عن هذا الشي واكثرهم قالولي انها ممكن تكون هي وان الولادة بعدها بفترة قليلة والله يابنات
ماتصدقون وش كثر تحمست وفرحت وكل التعب اللي فيني راح ودقيت على زوجي قلتله ابي اطلع امشي مع
العلم اني كان لي كم يوم وقفت مشي ومشيت تقريبا ساعة ونص وبعدها رجعت البيت واكلت اناناس وشربت
كف مريم وجلست طوووووووووووول الليل ادعي واستغفر ان الله يرزقني الطلق الطبيعي والولادة السهلة
وخرجت الحوش امشي حسيت ان النونو خلاااااااااااااااص تحت وشوي بينزل بس ماكان في الام بس كان عندي
احساس ان ولادتي قربت جا الصباح وسويت لزوجي فطور وانا احس اني ماني قادرة امشي من الثقل اللي تحت
فطر وجا يبي يخرج من الباب وسبحان الله قبل لايخرج بثواني يعني على الساعة 9 الا يجيني هذاك الالم ناظرني وقال بشري طلق
والله يابنات وانا قاعدة اتألم وابتسم واهز راسي اقوله ايه طلق الحمدلله الحمدلله زوجي طبعا كان عايش معاي
الوضع وكل يوم يخرج يمشي معاي وازعجته من كثر ماأقول متى اولد متى اولد
قال ها يلا اوديك المستشفى قلتله لالا انتظر شوي لين يصير قريب من بعضه واقوى ومامداني اكمل كلامي الا
رجع الالم واناظر الساعة لقيت مابين كل الم والثاني الا عشر دقايق خفت ورحت المستشفى وماكان بيني
وبينها الا عشر دقايق بس المهم دخلتني الدكتورة على طول وكشفت علي وقالتلي الرحم مفتوح 5 سم
ماشاءالله وحطولي جهاز التخطيط وتركوني في الغرفة وراحوا جلست ادعي ادعية تيسير الولادة واستغفر واقرا اية الكرسي..شوي انا حسيت انه بدا يجيني احساس بالدف على
طوووووول كلمت زوجي قلتله قولهم يطلعوني خلاااااص بولد وعلى طول الممرضات دفوني بالسرير وطلعوني
فوق يدوب غيرت ملابسي وقلت للقابلة خلاص انا ولادة وياعليهم برود استغفر الله وانا الالم كل ماله يزيد والطلق
خلااااااص اشتد وصرت ابي ادف جات الدكتورة وشافتني وعلى طول باشرت عملها المعتاد وولدت الساعة 11 وجبت احلى بنوته والحمدلله الطلق مع
الولادة كانت في خلال ساعتين ماشاءالله تبارك الله ....اللهم لك الحمد والشكر
يابنات اكثروا من الاستغفار والدعاء من قلبكم واحسنوا الظن بالله وان شاء الله ربي بيرزقكم بولادة سهلة ميسرة باذنه تعالى...
امورة وغيورة @amor_oghyor
عضوة نشيطة
يلزم عليك تسجيل الدخول أولًا لكتابة تعليق.
ام موكي
•
الحمدلله على السلامه ومبروك الي جبتي
ورد999 :الف الف مبرووووووووووووك والحمدلله على سلامتك وسلامة النونوالف الف مبرووووووووووووك والحمدلله على سلامتك وسلامة النونو
الف مبروك:27:
الصفحة الأخيرة