اصبحت أم لكن تفكيري مريض

لا حبيبتي والله الوضع مرا عادي ، لا تسوي زي ما سوت جدتي فيني ، والله انعدمت ثقتي بنفسي للآن الله يسامحها ، كانت دائما تقول مروى اشين وحده و خشمها كبير أخواتها الأصغر أجمل ، و من يومها تخيلي ونحنا صغار اخواتي ما ألومهم لأنهم بزارين وكانوا داينا يرددوا نفس الكلام ، لحد ما كبرنا و عقلنا الحمدلله اللحين كل وحده في بيت زوجها ، بس وربي إن مرا متعقده ما عندي ثقه بنفسي أبداً أحس كل الناس لما اكلمني تطالع خشمي ، الله يسامحها بس ، إنت ابداً لا تنكدي نفسك و قولي الحمدلله جاتني بنت مُزه و دائما خلي الكلمه في لسانك كل ما لاعبتيها قولي لها جميلتي وكذا خليها تكبر وهي واثقه و أبداً لا تجيبي سلبيات في شكلها لانها والله حتبقى عالقه معاها لين تكبر ، أنا الآن عمري 23 وللآن وربي مجروحه كثير من جدتي ، كانت كثير تنتقدني و ما تحبني رغم إني بكر بنتها و تفضل اخواتي علي رغم إني والله ما شاء الله علي ما عدا خشمي ، كل شيء حتى شعري ما شاء الله اطول و انعم شعر في أخواتي ، بس خلاص صرت مرا أول ما أشوف نفسي في المرايه تجي عيني على خشمي ، الحمدلله على كل حال ، عشان كذا نصيحة من قلب لا تكرري غلط جدتي ولا تقولي لأحد عشان ما يمسكوها في لسانهم ويقعدوا يدققوا فيها .

تكبر وتتغير عادي لاتحكمين على ملامحها وهي صغيره

اول ماولدت بنتي كانت صلعا وسمر وعيونها نقط لدرجه امي تقول زي القرد😢وماحد قال حلوه الا انا كنت اشوفها ملاك موسومه والحين عمرها سنه مشاء الله شعرها ناااعم وبيضااا والكل يحبها وهاديه الله يحفظها ويرزقني برها ودايما اشوف اخلا بنت بالعالم مع انهم يقولوا ليش ماطلعت مثلك سبحان الله دايما القرد بعين امه غزال غريبه انتي الصراحه

انا ولدي اول ماانولد كان اسمر وكل الناس تقول مو حلو والحين عمره سنتين ابيض مره نفس الاجانب وحليو مع ان اول مارلدت كان يقولو شكله بدلوه في المستشفى

وماعليك من الشكل اهم شي سليمه وبعافيه ولا تجيبو تعلقيات سلبيه عليه