الخوف من الموت بعملية المراره والتخدير طبيعي والا لا

السلام عليكم ورحمة الله وبركاته بختصر لكم الموضوع وامانه قولو لي هذا شي طبيعي والا لا الخوف اللي فيني في وسواس اني بموت من العمليه وافكر بالموت والقبر واني باترك بنتي بلحالها والله يابنان الي خمسه شهور وانا هذي حالتي انا مره خوفني دكتور بمستشفى ثاني وكان يقول لان كان عندي ارتفاع في الصفره حقت الكبد على ان الانزيمات الحمدلله سليمه بس اللي عندي وراثي مو مرض انه نخاف من التخدير ولازم ينزل شوي ولو خدرنا ممكن يرتفع ويتلف الدماغ ومن عقبها وانا خلاص قمت اوسوس والله العظيم اني مرضت لدرجة صرت اروح اقرى عند مشايخ حياتي انقلبت فوق تحت ماعاد لها طعم طبعا والحين رحت عند بروفسور بيسوي لي العمليه وطمني بس خايفه مره يابنات والرعب من التخدير او يرتفع شي بغرفة العمليات والله العظيم غصب عني تخيلو حتى النوم مانام زيني اليوم بكيت بكا لما اتصلو قالو لقينا مجال انك تصلحينها تبين والا لا الاحد القادم بغيت اقول لا بس غصبت نفسي وقلت ايه مادري كيف بدخل غرفة العمليات وبسويها يابنات المره الماضيه جاني كتمه بنفسي والله يكرمكم لدرجة الحمام ابيه وماقدر من الخوف عند الدكتور الاول بمستشفى ثاني ولما شاف الانزيم مرتفع كنسلها انا الحين خايفه مادري كيف بسوي وابليس يقولي خلاص ماباقي لك الا يومين وبتموتين انا تعبانه وماحد حاس فيني هذا شي غصب عني وانا صليت استخاره قبل فتره واليوم بعد الحمدلله بس ابليس مو راضي يحل عني اتعوذ واقراء القراءن بس مسيطر علي بنات طمنوني احد مر به زيي