السلام عليكم

بالفعل الحجر يعطي جمال ودفء للبيت

وافخر انواع الحجر الاردني هو حجر إشتفينا

وما يتغير لونه مع المطر أو الرطوبة

ولكن بالنسبة للاسعار فأرجو المعذرة فلا علم لي بها

أكيد تكلفته عالية خاصة مع أجور نقله وشحنه

وفقك الله وتمم لك على خير :26:

توكلي على الله وأهم شيء اللي يختار لك الحجر لأنه بعد بناء البيت أحيانا يتغير لون بعض الأحجار دون الأخرى بفعل الرطوبة والمطر ومع ذلك يبقى شكله جميلا وطبيعيا !!!

الحجر يعطي البيت منظر خيالي ونصيحتي لك
اختاري النوع الممتاز من الحجر ولو كان غالي
انا ابني بيتي الان من حجر الرياض واطلعت على الحجر الذي في الاردن وذهبت للمصانع هناك وفظلت حجر الرياض لاسباب كثيره منها ان بعض المصانع يغشونك يحملون لك الحجر الغير مطلوب حتى اني قابلت رجل هناك ونصحني اني لا احمل البضاعه الا بوجود محامي او مكتب يشرف على التحميل خوفا من الغش لانك اذا وصل عندك بالسعوديه خلاص ما ترجعيه
بعدين سعره مرتفع الذي هو حجر معان وهو افضل شي واذا حبيتي لا تشتري الا منه في الاردن بس
المهم فضلت حجر الرياض لوجود الديكورات الغير موجوده في الاردن
الحجر يعتبر عازل ومن افضل العوازل وبعدين
حجر الرياض اللون يختلف في بعض المصانع واختاري الابيض الناصع افضل
هناك طريقه وهو دهان موجود عند دهانات الجزيره ومجرب يمنع وصول الماء الى الحجر ولونه شفاف ما تفرقين هل هو مدهون او لا مجرب مية المية ولا تحتاجي بعده الى صيانه .
كلفني شراء الحجر 40 ريال للمتر طبعا الحجر الاساسي اما الديكورات فيختلف سعره حسب شكل الديكور ويوجد اشكال مره حلوه
اهم شي في الحجر التركيب لازم يكون المقاول او العامل حريف وشغلة ممتاز
اتمنى اني افدتكم

الله يعطيك العافية أخي أبو معاذ ويجزيك بالخير
بس المشكلة الحين اللي انت وضعتني فيها الخوف من الغش في الحجر الاردني
لأني انا ما اعرف عن حجر الرياض شي
ما اعرف الا الموديلات القديمة اللي قبل 25سنة كانت في منزل والدي القديم وبصراحة ايامها كانت شي بس الحين مرة موبحلوة
فهل حجر الريياض قاعد يطور موديلاته والوانه باستمرار ام انه محلك راوح؟؟

وكمان ليش حجر الرياض ارخص من الحجر الاردني؟
وليه الناس ماهي مقبلة على حجر الرياض؟
شاكرة لك مساعدتك

صحيح الغش كثير هناك واذا تريدين تشترين لزم توكلين واحد من هناك زي مقالي الاردني (محامي) يخلص لك شغلك ويوقف فوق روسهم عند التحميل لنه لو وصل عندك صعبه ترجعينه ولاتنسي بعد قيمة النقل راح يطلع عليك غالي وانا سعرت الانواع الثانيه غير معان لن معان معروف غالي مره سعرت نوع اسمه( حيان) وشفته والله ان حجر الرياض افضل منه وسعره بعد اغلى من حجر الرياض الطبيعي وسحبت نفسي ورجعت للرياض وشريت منه من مصنع اسمه جيما
وعندهم اشكال وديكورات مره جديده وحلوه
انا شفت بيوت في الرياض وكثير من يركب الحجر وعليه اقبال
في واحد عندنا جاب من حجر معان من الاردن لكن الديكورات جابها من الرياض لن الاردن شغلهم يدوي لكن الرياض مصانع ومقصات ومخارط جديد وشغلهم الي انا رحت لمصنع في الاردن لقيت رجال جالس بين الحجر ويطقطق ويحفر بالحجر بسكينه ومطرقه شغل مش حالك
طبعا كل كلامنا على الحجر الطبيعي اما الصناعي لا تفكري فيه نهائي