فكره جت على بالي وش رايكم يابنات بما انو احنا يالخليجيين مشهورين بالكبسه والقهوه العربيه .. وطبعا كل بيت له طريقته بعمل الكبسه والقهوه .. فقلت كل وحده تسدح لنا طريقتها .. بالنسبه لي هاذي طريقتي :
1- الكبسه : دائما المتعارف عليه ان البصل يحمس مع الطماط كذلك ومن ثم يوضع اللحم والماء لاكن انا اعتمدت على طريقه ثانيه لانها اطعم والذ المهم ( مالنا والطويله )
اول شي احط المويه بالقدر واللحم والملح وانتظر لين تغلي المويه بعدين احط ملعقه صغيره ( كمون - قرفه - فلفل اسود - ابزار الكبسه اللي موجود عندك ) وشوية زنجبيل ناعم ذره بين اصابعك ومعجون طماطم تقريبا ملعقتين اكل مليانه واذا حابه تكون الكبسه حمرا زياده زيدي الكميه ( بس عاد لا تخبصين الدنيا بالمعجون ) وشوية زيت وخليه لين يستوي اللحم وشيليه وحطي الرز وشيلي من المرق اذا كان كثير ليمن تلاحظين انه قريب من سطح الرز وخليه على نار متوسطه لين يتشرب الرز المرق اللي على السطح وخففي النار على آخر شي ليمن يستوي الرز وبعدين رجعي اللحم اللي طلعتيه للقدر وغطيه وخليه دقايق بس عشان يكون حار مع الرز .. بس وبالنهايه شوفوا الطعم وادعولي .
2- القهوه : احمس البن مع شبه وماستكا طبعا لا تكثرون الشبه والماستكا تقريبا خمس حبات او ست وبعد ماتطحن نجي للمويه بعد ماتغلي ونحط فنجان قهوه مليان وذرة كركم وربع بياله حليب سايل و 6 حبات هيل و 6 حبات قرنفل واخليها تغلي على نار متوسطه قريبه للعاليه شوي لمدة ربع ساعه واطفي النار واتركها 5 دقايق واجهز الثلاجه واحط قرنفل ناعم وهيل ناعم وطبعا اللي حابه زعفران تحط .. وعدلي المزاج وادعيلي .. ويالله ****لله تتفاعلون معي .. ونفيد ونستفيد .. ويعطيكم الف عافيه
ان شاء الله بجرب قهوتك
يعكيك العافيه