كل عام وانتوا بخير
المكونات:
كوب ونصف دقيق
2 ملعقه صغيره نشا
ملعقه صغيره بيكنج بودر
نصف كوب سكر بني
تلت كوب سكر عادي
نصف كوب زبده طريه
بيضه
فانيليا
نصف كوب شوكليت شيبس
الطريقه:
في اناء نحط السكر والزبده
ونخفقهم لغاية مايبقى قوامهم كريمي
ونضيفلهم البيضه والفانيليا
ونخفقهم مره تانيه
ونضيفلهم بقية المكونات
ونخفقهم لغاية مايبقوا زي حبات الرمل واول مايوصلوا للشكل ده نوقف ضرب
وبعد كده نعجن بايدينا عشان نلمها
ونبدأ نشكلها واحسن حاجه نشكلها بيها معلقة الايس كريم ولو مش متوفره يبقى بأي معلقه عاديه على سليكون او على ورق خبز
وندخله التلاجه لمدة نص ساعه قبل الخبز وندخله فرن حرارته هاديه لمدة 10 دقايق فقط لغاية مالونه يبقى دهبي حتى لو حسيتوا انه ني لما تطلعوه ده مجرد احساس هيمسك لما يبرد والكوكيز ملوش شكل منتظم ومنسق زي بقية انواع البسكوت
وده شكله بعد التقديم
وبالهنا والشفا