سبحان الله على ابن آدم

بنات من جد والله العظيم انو ابن ىدم كيف طماع شوفو اليوم وش صار


طبعا انا لي فتره عاااازله نفسي عن الناس تماما عشان ماحد يسألني عن الحمل ومن جد يمكن يمر الاسبوع وانا الشارع ماشميته المهم اليوم دقت علي مرة ولد خالتي <<<<<ياطولها
المهم قالتلي انا بروح حفله امشي غيري جو معي طبعا انا كذا كان شكل وجهي بالظبط يوم تقولي تعالي (( :eek: )) قلتلها انتي مججنونه والله لو تموتين ماطلعت انا مارحت لاقرب الناس عشان اروح حفله مع العلم اني قبل التفكير بالحمل وقبل زواجي كنت مره اجتماعيه المهم زنت فوق راسي الين قلت خلاص اوكي بروح ساعه بس قالت اوكي مرت علي ورحت مشغل سويت شعري ومكياج ولبسنا (( الأخت مي مصدقه طالعه من بيتها)) حتى زوجي مستغرب يقول اعرفك بتبطلين اخر شي بس مابطلت خخخخخ المهم رحنا الحفله بنات والله العظيم اني من دخلت لين ماطلعت وانا ناسيه شي اسمه هم وغم حتى نسيت ان علي الدوره واول يوم وكان ظهري بينقطم من الألم مجرد مادخلنا القاعه سرت ارقص تقولي عاد قريبتي وين الي ظهرها بينقص قبل شوي من الألم:hahaha: واحلى شي شفت ناس كانو حاظرين زواجي وماشافوني من بعدها اول ماشافوني وهاتك ياتبويس وضم يقولون ياي شكلك توك لسى عروس جبتي عيال؟؟:eek: وش رديت

قلت لا اخذ مانع ابي انبسط:hahaha: قالو ايه احسنلك تعالي شوفيني والله مانام هي اتزوجت بعدي وعندها بنتين جابتهم ورى بعض تقولي (( يااااااحظك )) تقدرين تنامين وتسهرين انتي وزوجك وتسافرون انا اسرق الوقت سرقه عشان اقعد معه يبيلي ارمي البنات عندك اذا طلعت اسهر مع زوجي :eek: :eek:


المهم شافتني وحده ثانيه وبرضو كانت حاضره زواجي هي اكبر مني قالتلي ها وشلون الحياه الزوجيه انا امزح معها قلتلها (( كبت حريه )) مو مثل وانتي بنت وش تتوقعون قالت
احمدي ربك عندك رجال حنا ندور على نص رجال:eek:

قمت ارقص جاتني وحده قالت يختي رقصك حلو الظاهر انك راعية زواجات:eek:

وقعدت بعدها ماقمت خفت المهم شافتني شله ثانيه ونفس السؤال (( ماجبتي عيال)) وانا نفس الجواب قلت اخذ حبوب مانع قالو يااااااااااااااي يعني لسى عروس يابختك

شفتو الطمع لا الي عندها عاجبها ولا الي ماعندها عاجبها ولا المتزوجه عاجبها ولا الي مو متزوجه عاجبها :(