تنـــــظيف البشـــــــــره .........طريقته وادواته ********على طريقتي ؟؟؟

السلام عليكم ورحمة الله وبركاته
كيفكم يا بنات حواء وآدم
اليوم فكرت وقلت بنزلكم موضوع تنظيف البشره خطوه خطوه (step by step)
بس ترى طريقتي غير وبتشوفون الحين

اولا:وش تحتاجين للتنظيف :
قطع قطن دائرية الشكل وانا افضل القطن الطبي اللي يجي على شكل لفه وعليه غلاف بني ورق وطبعة موف فيه دوائر حمراء

قطعتين اسفنج طبيعي من الصيدليه لازالة الماسك من على الوجه
فرشاة مسطحه ولينه للتوزيع المقشر والماسك
منشفه بيضاء صغيره
منشفه كبيره
ربطه للرفع الشعر عن الجبين
مكعبات ماء ورد او ماء زهر فيها بضع نقاط ليمون وزيت جلسرين
او زيت نعناع او زيت شجرة الشاي الاخضر
حليب للتنظيف البشره
وتونيك لقفل المسام
ماسك اي نوع تحبين من اي ماركه او ماسك تعملينه انتي بالبيت
منها:
الزبادي يوضع في الشمس لمدة ساعتين
ثم يقلب مع اربع ملاعق حليب بودره
وملعقتين نشاء ونقاط من ماء الورد او عصير الليمون
ويوضع في الثلاجه
وهذا آخر
الحليب البودره + عصير برتقال 2ملعقه والحليب 3ملاعق
يعجن ويوضع على الوجه
مقشر من اي ماركه تحبين او نوع انتي شخصيا تستخدمينه انا استخدم مقشر زيت شجرة الشاي الاخضر من بودي شوب
وهذا مقشر تصنعينه بالمنزل :
2ملعقة سكر مطحون
1م ك شوفان بودره
وحليب سائل فنجان تسوين فيه عجينه متماسكه وتحطينها على وجهك وبعدين لمن يجف تبللين وجهك بالماء بواسطة اليدين وتفركينه بلطف وبعدين يشطف بالماء فقط

كريم مرطب للوجه بعد التنظيف اي نوع تحبين
جهاز بخار او تسخنين ماء وتضعينه في حوض بايروكس او قدر حسب ماتحبين
وحطي الاعشاب اللي تحبين انا احط قشور الليمون واوراق الشاي الاخضر

بسم الله نبتدي الطريقه:
1-اشطفي وجهك بالماء الدافي
2-امسحي وجهك بقطنه مبلله بالحليب المنظف عشان يطري الجلد والقشور
ويفتح المسام
3-خذي الفرشاة وحطي على وجهك الماسك وزعيه بالفرشاة بشكل متساوي
4-خلي الماسك يجف على وجهك وبللي يدك بالماء وابدي افركي
لحد ماتتخلصين من القشور تماما
5-بللي الاسفنج وازيلي الماسك عن وجهك بلطف
6-لاتشطفين وجهك بعد الماسك خلي وجهك عالبخار لمدة خمس دقائق لا اكثر
وبعدها افركي وجهك باالاسفنج المبلول بالماء الدافي واضعطي فيها على المكان اللي فيه رؤس سوداء او حبوب بنفس القطنه بس بطريقه لطيفه عشان ماتالمين بشرتك وعشان مايصير فيها بقع

وبعدها اشطفي وجهك كويس بماء دافي وجففي بالمنشفه بطريقة التربيت خلي فيه شوية رطوبه
وزعي الماسك بالفرشاة بطريقه سلسه ولطيفه وخليه على وجهك ربع الى نصف ساعه
وبعدين ازيليه بالاسفنجه المبلوله فقط بماء
وخذي قطع الثلج ومرريها على وجهك عشان تتحرك الدوره الدمويه في البشره
7-جيبي التونيك امسحي وجهك فيه بلطف واعتقد انك ماراح تحتاجينه اذا استعملتي الثلج
بس بعد الثلج امسحي بقطنه مبلله بنفس المواد اللي في الثلج اللي ذابت منه يعني اغمسيها بين قطع الثلج وخليها لحد ماتجي تمسحي فيها
8-دلكي وجهك بالكريم المرطب اللي تستخدمينه انا عن نفسي استخدم كريم اولاي او جل زيت شجرة الشاي الاخضر من بودي شوب
وبكذا اكون انتهيت من تنظيف بشرتي
بعدها اريحها بشرب كاسة شاي اخضر بالزنجبيل او نعناع
بعدهاتعالي شوفي بشرتك روقان ونظافه ولمعه
واتمنى اني كفيت في شرحي واذا فيه شي ناقص نبهوني الله يجزاكم خير
وهذي الطريقه اللي اعتمدوها في المشغل
واي استفسار انا حاضره