وكل من تود ان تؤسس كوفي شوب ..

عندي طريقه كابتشينو ممتازه ... واحلى شي في الكوفي شوب ان يكون في سر في خلطات الكابتشينو والاكسبرسو وغيره ..

جربوها في البيت في البدايه واذا عجبتكم اعملوها للمحل وهي غير مكلفه ..

الطريقه :
تخلط في خلاط البيض مقدار واحد من السكر مع نصف مقدار من النسكافيه القولد مع ربع المقدار من الماء .. وتخلط حتى تغلظ الخلطه وتصبح كثيفه وذهبيه وتوضع في الفريزر او الثلاجه لحين الاستخدام

راح اعطيك مثال .. كوب سكر .. نصف كوب نسكافيه قولد الذهبيه .. ربع كوب ماء وهذا المقدار يكفي بين العشرين والثلاثين شخص

طريقه الاستخدام .. توضع ملعقه اكل كبيره من الخلطه ويصب فوقها حليب مراعي مغلي .. وتخلط قليلا ثم توضع عليها كريمه الكابتشينو الجاهزه .. الموجوده في الجمعيات ..

واشربوها بالهناء والعافيه وادعوا لي..

على فكره تقريبا نفس هذي الخلطه يعملها كوفي شوب عندنا بالدوحه .. وما شاء الله الطلبيات ليل نهار عليه ومعروف على مستوى الدوله

الله يوفقك ويسعدك
موضوع رائع جدا ...

تميزي في السعر والحركات اللي في الاكواب زي تحطي مارشميلو قطع شوكلاته رسم على الكوب بالكريمة والهيرشي كمان ممكن تقدمي ضيافة هدية من عندك قطعة صغيرة من كيك او شوكلاته عشان تجدبي الزباين بداية العمل بس \
الله يوفقنا جميع

احب شي اسمه كوفي شوب >>>> شهيتيني اروح
المهم حبيبتي فكرتك حلللللللوة تحطين كورنر بالصالون جلسه ارضيه لكبار السن ... بس ياعمري اخدمي اكبر شريحه تتواجد عندك وهو الشابات اللي يحبون الموكا والكابشينو و.............. خلي ستايلك مميز يعني بصراحه بقولك كوني من عشاق الكوفيات ..يجذبنب ستايل المحل واحب البساطه والهدوء فيه يعني لمن اروح لكوفي الوانه دارك ومظلم ولمبات مطفيه وشموع احس بكابه كني بنام ... بس لمن ادخل كوفي منور وفيه نباتات ووزود بشكل جميل توحي بجمال الجو والنعنشه بصراحه اتسمر فيه ولاعاد ابدله
الاثاث كلاسيكي خشب و شويه اقفاص فيها بلابل وحوض سمك ولا شلال متحرك بصراحه يعطي جو رهيب للمكان والمشروبات حسب الطلب بارد حار انتي حطي المنيو على كل طاوله وكلن يختار اللي يبيه بس هاه لا تكثرين الطلبات عشان لا تخسرين في مشروبات الناس ماترغبها والكيك والبسكوتات معروضه في بوكس زجاجي كبير .... ولا تنسين اللوح الجميله تضفي على الموقع جمال

تسلمون ياقلبي

بعد وين الافكااار نبي نسااعد بعض