هذي سفرتي يوم 12 من رمضان الله يعيده علينا بخير وسلامه
الصوره كامله
عباره عن :
دجاج مفتت بالقشطه
مقاديرها
دجاج يسلق ويفتت مثل الشاورما
2 بصل
فص ثوم
بهارات
2 فلفل اخضر بارد مقطع صغير
علبة قشطه
1 علبة مشروم (( فطر )) مقطع
3 ملاعق جبن قلاص
جبن موزاريلا
يوضع بقدر البصل والثوم والفلفل البارد مع البهارات ويقلب جيدا
بعدها نضيف الدجاج وخلط عدل
نحطه في بايركس ونساويه
بعدها بخلاط
نحط القشطه والجبن القلاص ونصبها على الدجاج ونرشها جبن موزاريلا وتدخل الفرن
وبالعافيه
صينية الشاورما
المقادير :
دجاج مسلوق ومفتت مثل الشاورما (( مثل طريقة الشاورما اللي قبل شوي ))
بطاط مقطع مكعبات ومقلي
مخلل خيار مقطع
بقدونس وسماق لزينه
قشطه
جبن قلاص صغير
الطريقه :
يوزع البطاط في قاع البايركس ثم نضع الدجاج ثم الخيار المخلل ثم نخلط القشطه والجبن ونصبها على الوجه
ونزينها بالبقدونس والسماق
وبالعافيه
وهذي سفرة الحلى
حلى من اختراعي وحلى الفراوله زي الجيز كيك بس الطبقه اللي تحت بدل البسكويت كيك يصف لانها اخف بس جد لذيذه
وطبع القيمات
الحلى من اختراعي
مقاديرها
باوند كيك مقطع بالعرض وموزع في بايركس او اي قالب تبينه
في الخلاط كريمه كي دي دي
ودريم ويب
ونص كاس حليب سائل
4 جبن كيري
ونص علبة حليب مركز ومحلى
وبعد مانخلطهم نقسمهم قسمين قسم نحط عليه نسكافيه شوي بس عشان الطعم
والثاني حطي عليه كاكاو بودره
نحط الخليط الاول على الكيك ونحطها بالثلاجه لين تجمد
وبعدها نضيف الخلطه الثانيه اللي بالنسكافيه ونحطها بالثلاجه لين تجمد وبالهنا والعافيه
وهالله هالله بالردود
وخصوصا رايكم بدراعتي ههههههههههههههههههههه
لاتنسونا من صالح دعائكم:26: