استفسار بليز ادخلوا

السلام عليكم،،،
بدخل في الموضوع دغري <<ماعندها لف ودوران:22:
انا دورتي منتظمة شهريا لكن مالها يوم يعني تجي تاريخ 15 وتجلس اربعه شهور كل شهر نفس الموعد مدة سبع ايام او تجي تاريخ واحد وكدا يعني
طبعا زمان قبل سنة ونص تقريبا كان عندي هرمون الحليب مرتفع ورحت عند دكتورة وتعدل الحمدلله ودورتي انتظمت كمان لانها كانت ملخبطه
المهم انا متزوجه من تلات شهور ومن زواجي وهيا تجيني نهاية الشهر مثلا 28 او 26 وتجلس سبعة ايام
دا الشهر اللي فات ماجات انتظرتها ودحين دخلنا الشهر الجديد والمفروض تكون عليا الدورة بس لين دحين ماجات والله يكرمكم البول عندي له ريحة قوووية ولونه اصفر غاااامق للمعلومية انا مااشرب سوائل كتير بس دي اول مرة يحصل لي كدا..
كمان مررررة كسلانة بشكل مؤ طبيعي بس أبغى أنام:44:
واخلاقي تجارية ع طول معصبة <<مع اني طيوبه وقسم:p
واحيانا يجيني غثيان مفاجئ بس بسرعة يروح وعندي الم في اسفل ظهري دي اللي كانه الدورة بتجي بس طبعا ماجات:eek:
وكمان لما يجيني زوجي مااحس باي الم
بس قبل كم يوم لما جاني كنت حتجنن كانه اول مرة :eek:حسيته ضرب في شي جوتي مدري كيف اشرح بس مرة تألمت..:06:
المهم ماما قالت يمكن حمل اشتريت التحليل المنزلي قبل 4 ايام وطلع خط واحد بس
فقلت اسالكم من جد مدري ايش السالفة؟
ايش هذي الأعراض!!؟
وممكن يكون حمل؟
اليوم زوجي كان يبغاني اروح اسوي تحليل دم
بس انا رفضت قلت بنتظر عشرة ايام لو جات كان بها لو ماجات بروح
لو رحت بكرة وكان فيه حمل تعتقدون يبين ولا ممكن لا
البلوى اني اشرب فيتامينات يعني لو حمل يضرني
وماابغى اروح عند الدكتورة واتحطم لاني مرة نفسي احمل:(
ولاتقولون ثلاث شهور بدري انا نفسي احمل
نصيحتكم اماااانة؟؟؟