أبوي ضربني ضرب بسبب زوجي حسبي الله ونعم الوكيل

إتهمني زوجي الخسيس في شرفي ودخل أبوي علي في بيتي وأنا كنت نايمة أعطاه زوجي مفتاح البيت ويدخل ويستغفلني ويغدر بي ويفاجأني بهذيك العصا ضربني ضرب قطع لحمي ونزفت دم واجد ليمن بغيت أموت ويروح يخليني غرقانه في دمي وأخر شيء تكرم حضرة زوجي يوديني المستشفى وأتنوم ويسعفوني دم وبعدها يحطني في بيت ابوي وبعد مافقت من المصيبة والكارثة اللي حلت علي علموني السبب وهو انه جارنا قال لزوجي اني لقيت واحد في بيتكم وصدقــّه زوجي وعلى طول علم ابوي وصار اللي صار والسبب ان جارنا هذا نذل وحقير يوم اني مااعطيته وجه حاول اكثر من مرة واخر شيء قلت باعلم زوجتك وزوجي لو ماانقلعت عني فقام دمر حياتي الله ينتقم منه كرهت زوجي اكثر من الشيطان اللي صدق فيني وكأنه ينتظر علي فرصة من زمان بدال مايتقصى الحقيقة على طول بدون تفاهم بلغ ابوي وابوي اللي مايخاف ربي سوى فيني كذا وينهم عن كلام ربي اللي قال (يآيها الذين آمنوا إن جاءكم فاسق بنأ فتبينوا أن تصيبوا قوما بجهاله فتصبحوا على مافعلتم نادمين) :(

عندي ولدين يوم شافوا ابوي يضربني بالوا على أنفسهم وجالهم حاله نفسية واحد عمره سنتين وواحد 4 سنوات
كرهت أبوي وزوجي ولايمكن أسامحهم أبدا مهما صار ماودي أعيش لا مع أبوي ولا مع زوجي حسبي الله ونعم الوكيل هالسالفه لها شهور وماقدرت انساها خاصة اني مظلومه وفضحوني وصارت فضيحتي على كل لسان وجارنا الحقير نقل من نفس الحي عشان ماينكشف اكيد

يارب انصرني يارب رد لي كرامتي وحقي وانتقم لي منهم اشد انتقام لا واللي يقهر زوجي حس بغلطته ويبي يرجعني وابوي مايكلمني خجلان مني وانا اصلا بغرفة اختي متقفله فيها ماعاد اطلع وامي مطلقة ومتزوجة واحد غير ابوي من 10 سنوات واحنا كنا عايشين مع زوجته اللي ماترحم وقاعده تتشمت فيني وهي اللي شجعت ابوي يضربني :(
وتقول اختي ان زوجي وابوي برروا موقفهم على اساس اني ملتزمة وماشية صح وانصدموا اني اسوي كذا >>عذر أقبح من ذنب
انا سجلت من جهاز اختي وقلت اقولكم تدعون ربي ينصرني

وين حقوق الانسان عني :(يارب انصرني يارب