هذا بكري ومحتاسه فيه ... الله يخليكم ساعدوني

السلام عليكم .
بدخل بالموضوع طوالي ..... انا ولدي الله يصلحه ويحفظه ويبلغني فيه عمره الحين 4 شهور وبيدخل بالخامس بعد كم يوم .....متعبني بنومته الله يصلحه الى الحين مو قادره اتحكم بنومه .... وملخبط لي نومي ونظامي ..... صايره انام بالنهار واصحي بالليل ... وتعرفون نوم النهار تعب تعب تعب بكل ماتحمل الكلمه من معنى:44::44: ... من جد حاسه حالي ملخبطه ومو قادره انظم اموري .. وحتى نفسيتي زفت من نوم النهار ..... ياترى هو الوضع طبيعي للاطفال اللي بعمر ولدي ولا ولدي نومه غلط .... لانه بالليل نومه متقطع ينام ساعه او ساعه ونص ويصحي ساعتين او3 ويرجع ينام ويصحي وعلى كذا الين يجي الصبح .... احيان ماينام الا الساعه 8 او 9 الصبح بس يكون نومه متواصل يعني بس يصحي
يرضع وينام مايصحصح الا اذا جا العصر ...... من جد تعبنييييييييييييييييييييييييييييي:06::06: حتى البارح قلت بواصل وانام بدري عشان يتعدل نومي واصلت بس للاسف مارضى ينام وانا ماستفدت شي بس زيادة تعب....:06::06:
وشي ثاني ... احسه من البارح كل ماصحى يصحي مفزوع يعني بكاه مو طبيعي ..... واضمه لصدري واسمي عليه ويهدا ..... بس هالشي ماكان يتكرر معه كثير كان كل اسبوعين او 3 مره بس من البارح كل ماصحى صحى مفزوع ...حتى انا مو قادره ارتاح بنومي ولا بجلستي كل ماتحرك سميت عليه خايفه من الفزعه ...... من جد احس خايفه عليه من هالشي .... مع اني احصنه بس والله احيان انسى .... ومن البارح صرت اشغل له سورة البقره واخليها شغاله عنده وهو نايم ..... بس لازلت خايفه .....
وشي ثالث احسه مايركز على الشخص البعيد... مو البعيد مره يعني اللي يبعد متر او متر ونص مثلا يشوفه بس مايركز عليه ولا ينتبه له وش قاعد يسوي له الا اذا قرب له واخذه ينتبه ويبتسم له .....مادري هذا شي طبيعي او لا....

أأأسفه ع الاطاله بس هذا اول ولد واحس اني محتاسه معاه ....




وعسى ربي يحفظكم ويخلي لكم عيالكم وبناتكم يارب .......