اسلوب الضرب مره غلط مع الاطفال ولاراح يجيب نتيجه انا مثلك عصبيه وبنتي ماتاكل وكنت اعصب عليها وماينفع

بالاخير برضه تبكي وماتاكل بس بعدين صرت اعطيعا ملعقه وانا ملعقه واخليها تحوس بالاكل براحتها من صحنها وتلعب وتوكلني

يعني اتفاقيه هي توكلني وانا اوكلها والله العظيم انها تخلص الصحن حقها كله ماشاءالله عليها لانها تحس بمتعه ..

لازم تعرفي السر اللي يخلي بنتك تحب الاكل اذا تحب تلعب عادي وحتى لو تحب تحوس بالاكل مو مشكله اتبعي طريقتي يمكن

تنفع مع بنتك ..

والله كانك تتكلمي عن بنتي يوم كانت بعمرها ...

بنتي زي بنتك وجبت اخوها وهي عمرها سنتين وثمان شهوور والله ماتصدقي مقامت تاكل ونحفت وصار وزنها كل ماله ينزل وتعبتني بشقاوتها وغيرتها من اخوها مع انها تخاف عليه ولاتبيني اصرخ عليه او اخليه يصيح وكانت بنتي مدلعه مره ونصحتني امي اني مامرهخا تاكل اجيب الاكل واحطه على السفره واجلس واناديها اذا جوعانه تاكل بالبدايه رفضت بس بعدين شافتني طنشتها بالاكل فصارت تجلس تاكل لقمه لقمتين وتقووم لين صارت تاكل وزشقاوتها نومتها بدري الساعه تسع عشر وهي نايمه وجبتلها نطيطه وسيكل وخليتها تطلع طاقتها فيه والحمد الله تحسنت شوي شوي واللحين عمرها ست سنوات ومافيه اعقل منها ماشاء الله صح تتدلع علينا بس ماشاء الله مريحتني من ناحية الازعاج ...

يعني اصبري واصبري عليها وطنشيها ولاتلحي بالاكل وجيبي شي تفرغ شقاوتها فيها ...