وصفات مجربة للمبتدآت في الطبخ سهله جدا

جربت لي حد الان نوعين من السلطه السريعه والغريبه

اولا
سلطة الناتشز
( منقوله من المنتدى الغالي)
خس امريكي
بصل اخضر
طماطم
ناتشوز
فلفل اخضر
الصلصه:
جبن كرفت سايل 4 م ك
حليب سائل حسب الحاجه
بودرة ثوم ربع ملعقه صغيره
اعشاب عطرية ( مو لازم)
فلفل اسود ربع ملعقه صغيره

توضع الصلصه على نار هادئة لما تثقل اهم شي يكون طعم الجبن غالب عليها
----------------------------------------------------------------------------------
ثانيا :
سلطة المعكرونه باللبن
منقوله من احد الكتب

معكرونه مطبوخه تكون من النوع الجامد يعني مو اذا حطيتيها بالنار تتفلل مثل اللي شكلها محار :confused:
خس
فلفل اخضر
ذره

الصلصه
ربع كوب زيت زيتون
نص ملعقة بودرة الثوم او ثوم مهروس
كوب روب
نص ملعقة كبيره نعناع ( مو لازم)
ربع كوب ليمون

تخلطون الصلصه واتحطونها على المعكرونه وباقي المكونات تطلع اتيننننن

وللحديث بقية انشاء الله بس اسمع التشجيع صدقتي روحي شني هيهيهي

هذا الطبق منقول من المنتدى وهو رائع جدا وناجح اذا انا فلحت فيه بعد اشتنطرون :p

المقادير:
نص كيلو فاصوليا خضراء طازجه طبعا انا ماعرفت المقدار رحت شريت كرتون من الجمعية وسويته كله
علبة فاصوليا بيضاء
م ك عصير ليمون
2م ك خردل
2 م ك عسل
نص ملعقة شاي فلفل اسود انا خففتها الى الربع لاني ما احب الحار
نص ملعقة شاي ملح هم خففتها للربع

الطلريقة:

-تسلق الفاصوليا الخضراء في ماء على نار متوسطة حوالي 5 دقائق ثم تصفى وتترك جانبا
-تخلط المقادير الباقيه عدا الفاصوليا البيضا على نار متوسطه حتى تثخن ويضاف لها الفاصوليا الخضراء
-تصفى الفاصوليا البيضه وتضاف على الخليط وتترك على النار 7 دقايق
-انا بالنهاية طلعت طلعه او اظفت المعكرونه اطلعت شي عجيييييييييييييب

جربوها او عليكم بالعافية مقدما وادعولي بالتوفيق

تسلمى يا غالية يالا جربى أكتر وقوليلنا

العجينه مأخوذه من المنتدى الله يجزيها الخير اللي حطتها ، لينه جدا اتظل لي ثاني يوم لينه تصلح حق السحور انشاء الله في ارمضان الله يبلغنا اياه واياكم :27:

العجينه:
4 كاسات دقيق ابيض انا ابصراحه ما احب سالفة الكاسات حطيت 4 اكواب عشان ما اتخربط لان الكاسات وايد احجام

6 م ك حليب نيدو
نص كوب زيت
ملعقة ونصف ك بيكننج باودر
2 م ك خميره
2م ك سكر
نص ملعقه ص ملح
ثلاثة ارباع كوب ماء دافىء للعجن

الطريقه:
- تنخل المكونات الجافه مع بعض في اله خاصه للنخل محد قالي انا اكتشفت اتصدقون هيهيهيهي
-تخلط المقادير الجافه مع الزيت جيدا ثم يضاف الماء وتعجن هوبا هوبا شدو حيلكم
هييييي لما اتصير عجينه ناعمه
-تترك لتخمر تحطينها في صحن السلطه البلاستك اتغطينها ابفوطة رطبة والله ماادري شالحكمه بس جذي قريت في الكتب
-تاخذ ربع الى نص ساعه بعدين تحشينها جبن كيري ولا اسهل واتسوينها كور اذا انتي شاطره تطلع متساوية انتي وقوة نظرج اذا نظرج اضعيف البسي نظاراتج او خلي احد يصورج ابهالوضع :hahaha:
-ادهني صينية الفرن باشوية زيت ورشيها بالطحين وصفي الكور السحرية اللي هلكتي وانتي تحشينها متباعده عشان ما تلصق لما تنفش بعدين ادهنيها بصفار البيض ورشي عليها سمسم ودخليها الفرن بدرجة حرارة 180 بعد 10 دقايق طلعيهم بثقه جدام الحبيب :arb: وشنج عارفه النتيجه مسبقا مو حاطة ايدج على قلبج مو وقته الشماته ترى

او عليج بالعافية او ذلي زوجج فيها كل 10 دقايق سأليه اعجبته والا لا لما يكره عيشته :10_1_103v

ترى اتغشمر مو اتسوينها باجر يدعي علي زوجج :27:

زريدا الله يجبر ابخاطرج محد عبرني غيرك اتهقين محد غشيم طبخ الا انا والا الغشم نايمين هالحزة مايندرى
انكمل يا الحلوين صحصحو ياالله على قولة دكتور لنا بالجامعه الله يذكرة بالخير ولادي ما تاكلو فول عالصبح كلو عسل مابدنا نوم