pink lass @pink_lass
عضوة نشيطة
الي تبي لقيماتها تكون مكوره تجي اعلمها
السلام عليكم
امم بصراحه انا عانيت وماخليت طريقة ولاعجينه لقيمات ماجربتها
لين الحمدلله ربي وفقني بطريقة روعه
اول شي اخلطي بملعقة زي هذي ملعقة الخفق
وحطي كاس ماء
فنجال شاهي زيت
وملعقة شاهي خميره
ورشة ملح وسكر
حركيه زين وبعدين اخلطي
كاس طحين و فنجالين شاهي نشاء < هذا يخليها مقرمشه وروعه
بعدين اضيفيه ع الماء وباقي المقادير وحركيه بنفس الملعقه الي بالصوره
حركيه زين لايتكتل ويصير اثقل من خليط الكيك يعني متماسك لايكون سايل مره
غطيه وخليه نص ساعه او ساعه وبعدين حطي بيضه وفنجال شاي حليب بودره
اخلطيه بعدين اضيفيه ع الخليط
واهم شي مايكون متكتل
خليه ربع ساعه وابي اقليه
اول شي الزيت لازم يكون حار
ويفضل المقلاة تكون تيفال واذا بديتي قصري ع النار
سوي طريقة التلقيمه العاديه الي هي باليد زي الفديو
تابعوا الفديو من الدقيقه ٤ وشوفي كذا تكون سماكة العجين
ماعليك توكلي ع الله وبتضبط ان شاء الله لان السر بالعجينه تنتفخ من نفسها وتتكور
انا البس قفاز بيدي اليسار واخذ من الخليط بملعقه واحطه بيدي وابدا اضغط واشيله بسرعه بملعقه صغيره
وتخين عندك ماء تغمسين الملعقه فيه كل شوي
ومابي الا دعواتكم ان ربي يوفقني ويرزقني الوظيفه ويحفظ لي احبابي
الخطوات سريعه بس عشان كاتبه كل شي بالتفصيل
وياليت اشوف تطبيقاتكم :love:
اي وحده عندها استفسار تسالني :15:
13
5K
يلزم عليك تسجيل الدخول أولًا لكتابة تعليق.
memo nice
•
ماشاءالله عليك.....مبدعه
دايم نفسي اضبط اللقيمات واخليها كور متساوية تطلع لي احجام كبيرة وصغير مضحك شكلها هههههههه
الصفحة الأخيرة