مختصر موضوع الاخت رقيقه تطهير الارحام بعد الدوره

السلام عليكم

وصباحكم ارق واحلى من مناظر غروب الشمس واشراقات الصباح وزغردة العصافير


وتمشيه بشارع الشانز وكافيه لاتيه صباحي لاني مرره مرره مشتهيته


جمعت اللي قدرت عليه والمهم من موضوع الاخت العزيزه رقيقه ومن البنات الخبره والرائعات والي يهمهم نشر المعلومه المفيده والصح


اتمنى الكل يستفيد واتمنى تدعون بالتوفيق وبالجنه وبالسعاده لكل البنات اللي شاركوا


والله يطرح البركه بكل مواضيعكم



السلام عليكم ورحمة الله وبركاته
افضل شي وانا مجربته هو
رشاد +حبه سوداء+سكر نبات
من ثالث يوم في الدوره
شرب الحلبه+اي شي دافي
وضع قليل من المره مع الكمون وشربه
مع الشكر وان تعم الفائده للجميع

مرحبا ..

من تجربتي ...قبل الزواج كانت الدوره ملخبطه معي وما تنزل بسهوله ..ولا اجلس من الدوره للدوره الثانيه وانا ما نظفت ...
بعدها صرت أخذ ملعقة رشاد مخلوطه مع عسل طبيعي علي الريق .. اجيب برطمان العسل واحط معه الرشاد ..اخلطه وكل يوم اخذ ملعقه علي الريق ..والحمد لله ..تماااااااااااااام

اما الي تلاحظ نفسها ان الرشاد مفعوله قوي عليها تكتفي بالكركديه ممتاز ..والي يصاحبها الم شديد تسوي لها قهوه بالقرنفل ممتازه لتهدءة الالم وللدوره كمان...

اما المتزوجه الرشاد ممتاز مع الحبه السوده والكمون ..اخلطيهم مع بعض وخذي ملعقه علي الريق مع شاهي او قرفه ....

وعلي فكره يا بنات القرفه ممتازه للدم ترد لون الوجه تسوينها زي الشاهي ..طعمها لذيذ ..



******************

يالله يا بنات احس في جهل بامور الدورة عند بعضكم
بسم الله واستعين به
موضوع الدورة والرحم موضوع معقد جداً وحساس جداً لكن بحاول اكتب لكم المختصر المفيد
عسى الله ان ينفعني به واياكم ويجعله في موازين اعمالي الصالحة..
فأنني وبحكم خبرتي وتجربتي الشخصية التي توارثتها من والدتي ((((اللي يلحقها بابا حتى لو عندنا عزيمة وناس والله والله والله)))
ولم يثبت لي صحة ذلك بعد ان تزوجت ورأيت ولله الحمد والمنة محبة زوجي لي
هناك امور يجب على المرأة اجتنابها:
الحوامض, اللأكل اللزج(كالملوخية...الخ) ,البارد , البطيخ وملحقاته , المشروبات الغازية حتى لو ليست باردة
المشي على البلاط حافية القدمين , حمل الأشياء الثقيلة او جرها .
وعليها اتباع التالي:
الحرص على تدفئة نفسها بلبس البيجاما الداخلية وضع الكمادات الدافئة على منطقة الرحم , شرب المشروبات
الدافئة , الأغتسال بمنقوع الماء الدافئ والملح الخشششششن (لازم) لمدة لا تقل عن 10 دقائق
(انا كنت آخذ معي جوالي العب snake عشان ما أمل أو كاتالوج freemans......<<هاهاهاهاهاهاها هاها>>
الحذر ثم الحذر ثم الحذر من الجوع.....فأنني اسألكن بالله ان تحذرن من الجوع الشديد حاولي ملء معدتك بالمسموح
كا الكلام السابق استمري عليه طول فترة الدورة

اما بالنسبة للمشروبات<يفضل صباحاً>:شاي الأعشاب بأنواعها مفيدة (( شيح , قيصوم ""لقطي من هالبراري والقفار ما خف وزنه وغلا ثمنه """ , يانسون ,مرامية , , قرفه , كمون , ............الخ))
الخلطة مثل الحلب , حبة سوداء, الشمر , قرنفل< يفضل سف>
###واللي تحب ممكن تتبخر{بس هذا البخور آخر 20 يوم من النفاس و آخر 3-4 ايام الدورة}بالتالي :
فلفل هوا , قشر بصل , مرة , لبان ذكر, مرامية محموسة ومطحونة
اياكن ثم اياكن ثم اياكن والعفص((لاشرب ولا بخور)) أو الشبة تراهم دمااااااااااااااااااااااار
###واللي تبي بعد ممكن تنقع بالتالي:
ارطا , ملح خششششن , ومرة يغلى بالماء وتعبينة بجركن وكل ما بغيتي تستخدمينه دفيه شوي
أنا عن نفسي اكررررررررررره التحاميل المهبلية( طبعا الشعبية المكونات) عشان كذا ما استخدمها بتاتا
واللي عندها عطار شاطر تقول له وهو يحط المقادير واللي ماعندها تراسلني عالخاص وبعدين ارسل لها
لأني تعبت من الكتابة و وراي سفرة لازم اجهز لها
وان شاء الله اذا نسيت شيئ وتذكرته في المستقبل القريب اوعدكم احطه في ذا<<<تراني مب رياضية
معليه يمكن طولت عليكم بس بغيت الفائدة تعم الجميع
اسألكم بالله تدعون لي بان يستجيب الله دعواتي وان يجزى امي الحبيبة خير الجزاء

*****************



مرحبا بنات انا ابي اقولكم عن الطريقة اللي استخدمها انا واختي وكذلك خالتي جزاها الله الف خير لانها هي اللي دلتنا على هالوصفات 0
المهم كلام الاخوات كله صحيح ومع ذلك كنت اعاني من بعض الالام وقت الدوره مع اني اشرب الاعشاب وكان السبب هو التعرض للتيارات الهوائيه قبل موعد الدورة بايام عشان كذا يابنات انصحكم بالابتعاد عن المكيف في تلك الفترة ولبس البنطلون والتغطي جيدا اثناء النوم 0
1- قبل اسبوع من موعد الدورة اشربي مريمية يوم ورى يوم لانها تساعد على التخلص من الماء الزائد بالجسم لانه من المسببات لالام الدورة 0
2- قبل موعد الدورة بيومين اوثلاثة على حسب مايضر انقعي كبشة قرنفل(مسمار) في كوب ماء حار وبعد مايبرد اشربي منه كل ماتحسين بالم حتى بعد نزول الدورة ( زيدي ماء على نفس الكوب اذا بغى يخلص) والله والله يابنات وهذي عن تجربة خاصة انك ماراح تحسين باي الم للدورة 0
3- تاكلين مع منقوع القرنفل ملعقة من( قهوة محموسة حيل حيل حيل + رشاد حسب كميه القهوة) على فكرة القهوة تطحن 0 مرة على الريق في النهار ومرة في الليل لمدة ثلاث ايام من الدورة 0
4- طبعا خلال فترة الدورة تشربين الاعشاب زي ماقلوا البنات لان كلامهم صح ميه بالميه + التمر مع الرشاد وانا اضيف للرشاد حبة سوداء 0
5- اغتسلي بالماء فيه ملح خشن مذوب ليه؟ لانه يشد المنطقه وانا صراحة استمر عليه حتى تنتهي الدورة0
6- تجنبي زي ماقالوا البنات الاشياء اللزجه زي( الموز- الملوخية- الباميا ) والحوامض ( البرتقال- الليمون0000) والغازيات عموما واللبن وكل شي بارد من السوائل 0
7-في اخر يومين من الدورة ناكل مردود ( هو اللي ينظف الرحم من بقيه الاوساخ) وهو كالتالي:
فنجان مليان كمون+ فنجان غير مليان يانسون + قرفه عود واحد + كبشه فلفل اسود+ كبشه حبه سوداء + فنجان نضع فيه كميه بسيطه علك مر ثم نملئه سكرة نبات 0
نطحن جميع المقادير ماعدا القرفه والفلفل ( نطحنهما بالنجر (الهاون) دق خفيف) ونضيفهم للمقادير المطحونه 0 بعد كذا نضع عليهم ( 2فنجان رشاد غير مطحون ) ونخلطهم مع بعض 0
ناكل منهم ملعقة واحدة في الليل والنهار ويشرب مع اي شي 0


عموما هذي الامور للمتزوجات والانسات ولاتخافوا من شي لاني من جد مجربتها انا واختي وخالتي 0 ولاضرنا شي والحمد لله 0




***************


بحاجه بسيطه بس مهمه

اللي هي الطهارة من الخارج

لما خلاص الواحده تبغى تتطهر من الدورة

تجيب شوية حنا مع شوية سدر وتخلطهم مع ريحان يا مطحون او ورق عادي كله سواء

وتحط معاهم كركم وتبدا تدعك به جسمها كله زي الحمام المغربي

وتسيبه عشرة دقايق

وبعدين تغتسل

والله نظافه ونعومه وتصفيه للجسم

بالاضافه ان الواحده ما تنسى المسك ابد ا (اللي هو المكعبات )رهيب مرة

***********************



طريقتي انا استخدمها من زززززماان وما شاء الله زينه مره

اخذ نوئ التمر وانشفه وبعدين احمصه زي القهوه و اطحنه

اخذ منه ملعقه صغيره مع فنجان قهوه واشربه على الريق في

اليوم القبل الاخير من الدوره مرتين في اليوم او ثلاث... يوقفها ويضييييييق مره

******************************


والله يابنات في خلطه حلوه تو عمتي قايلتها لي
اللي هي من اول ايام الدوره الى نهايتها
تنقعين لك كاس تمر منزوع النوى في 2كاس مويه وبعدين تاخذينهم وتحطين عليهم فنجان دقيق اسمر
وعلى النار وقبل لا اطفينها حطي عليها ملععة رشاد وطبعا نسيت اقولكم مع التنقيع حطي ملعقة حبة البركه وخلاص كولوها على الريق هذي مرررره ممتازه
واحنا بدو وهذا تخصصنا ههههههههههههههههه

*************************

ولي ريحه وكان وعلى ما اضن ان سبب بعد رجلي مني لاني (ــــــــ) والظاهر انتن تعرفن الباقي
الظاهر اني طولت عليكن وكثرت بالحسِي وصارت رواية امراءه خربانه
وفي يوم من الايام كنت مجتمعه مع شلت الدراسه بعد تفرق مدة خمس سنين ما شفنا بعض المهم جلسنا انسولف بكل موضوع والظاهر انكن تعرفن مواضيع الحريم إذا اجتمعن هاذي تشتكي من رجله وهاذي من خالته وهذي من طبينته ومن ضمن المواضيع افتحت وحده موضوع حساس كلنا نحتاجه الاوهي الرطوبه والخراب واتباع بلاوي الحريم
صارت من ضمن الشله وحده اعتيبيه ووحده امطيريه والظاهر انتن تعرفن حريم هالقبيلتين حريم تهتم بارواحهن ما شاء الله عليهن ويكثر من امثالهن وحنا نتكلم كانن مسكتات ما تكلمن وبعد نقاش مطول على غير فايده هاذي تقول صلحي عملية ترقيع وهاذي تقول جيبي مطهر من الصيدليه وهاذي تقول روحي اشتري اعلاج الخراب من مره عندنا بقريه معروف عنه انها تعالج الحريم وهاذي تقول تنقعي بماء وملح وياكثر هاذي الخرابيط (تراي ما قلت هاذي الحلول الا لاننا نصلحه وما نشوف منها فايده والي تصلحهن تتوقف وتابعي معي )نجي للمهم انهن تكلمن ورذلننا رذل وقالن من عذر الرجال يعرسون عليكن يالحضريات اثر طبعكن كذا قومن تشيلكن بصراحه حنا طارت اعيوننا من كلامهن ومن نرفزتهن (بصراحه ما الومهن )عاد حنا وش ردينا قلنا وش دعواء عن الغلط ما سوينا شي يغضب الخاطر علشان اتعصبن قالن كل هالكلام وما تبن احد يعصب عليكن ما ابي اطول عليكن نجي للمهم
عاد جينا لطريقة العلاج
يا طويلات العمر قالن إذا جتكن الدوره وانتن بكرامه من ثاني يوم وعلى الريق صلحي حليب نيدو البودره تصليح عادي يعني فيه زنجبيل وفلفل اسود(حبحار)وشوي ملح ادقاق(ناعم)وهيل وبعد ما يطبخ ارفعيه من على النار وخليه يبرد فاهمه يبرد لا تصيرين مثلي خليته دافي وخرب معي كل شي وبعد ما يبرد صبيه بكاس الحليب وحطي عليه ملعقه صغيره قشر رمان مطحون ثم اشربيه من ثاني يوم الدوره لحد يوم تطهرين هاذا العلاج الاول انتهينا منه الحين نبدا بثاني اعلاج
بثالث يوم الدوره جيبي مره كميه قد الكف وحطيه بكاس وصبي عليه ماء حار مره وبتلي حركيه لحد ما تذوب المره يعني مثل الحليب الشاهي إذا صبيتيه على الشاهي (يعني لونه حليبي)وقبل النوم جيبي لفة قطن صح نسيت اقولكن انها اتحذرنا من استعمال الفوط الصحيه وتقول هاذا سبب رطوبتكن وتعب ارحامكن جيبي المره وصبيها كلها على لفة القطن وحطي تحت لفة القطن يعني بعد ما تتفوطين بلفات من القطن علشان ما تربص ملابسس ونامي عليه الحين نجي للعلاج الثالث
إذا طهرتي يعني باول يوم من الطهاره (قبل التروش)جيبي مسك العطر عرفتنه تلقونه عند حامل المسك او الشركه العربيه او عند العطارين جيبي كورة قطن يعني صغيره وربصيه بالمسك خلي القطنه تتشبع من المسك ثم عند النوم دعسيها بالي انتي عارفه طريقه ونامي عليه ثم قومي وتروشي وشوفي الفرق بإذن الله الواحد احد راح يلاحظ زوجك الفرق يكفي انه ينشف ويضوق ويعطر المنطقه ويكفي ان الرسول عليه الصلاة والسلام اوصانا بالمسك الدرجة كانن زوجاته يعطرن انفسهن بالمسك
وعلا فكره تراهن انصحننا عن التروش وقالن إذا كنتي مضطره لفي جسمس يعني من السره لحد الركبه بفوطه واحسن شي الحرام حق الرجل إذا بغا ياخذ عمره
بثالث ايام الدوره وقبل النوم جيبي فكس وفازلين ودهن او كريم والله مادري امي تقول دهن بس يمكن حنا بنات هالوقت نقول كريم اسمه (ابو فاس )تلقينه عند العطار اخلطيهن مع بعض وحطي عليهن شوي زيت زيتون وحميهن على النار وبعد ما يدفى امرخي بطنس وظهرس وفخوذس به ولفي عليه مثل لفة المشد ولو حصل مشد فوق الفه افضل وخليه عليس حتى لو قمتي من النوم على ان ريحته فاضحه بس ماهب مشكله إذا قمتي فكي الفه ومسحي مكان الكريم بفوطه مبلوله بماء ونشفي بطنس ثم البسي مشد وعند النوم ارجعي وصلحي هالكريم ابتلي صلحيه لحد ما تطهرين وشوفي بطنك راح اتلاحظين بياض البطن وخفت بروزه
بالروايه الثانيه انشاء الله وإذا الله احيانا راح اقولك وش اتصلحين بايام الطهاره
تراني صادقه والله صلحته والحمد الله صرت احسن من البنت ما شاءءءءء الله علي



***************************



استعملي فنجان قهوة +ملعفة زنجبيل+ملعقة مسمار +ملعقة دارسين
طبعا مع ماء اغليهم تحسين كل الدم ينزل وانتم الكرامه


*******************




ودمتم بخير وبارحام نظيفه ان شاء الله