أأأأأأأأأأأأأأأأأأأأأأوه ياكثر إللي شافوني بدون عبايه
تخيلو مره كنت أبي أخوي محمد وكان ولد عمي موجود عندنا واسمه محمد المهم فتحت باب قسم الرجال وأنااااااااااااادي محمد وإلا أسمع فيه أحد يتوضى عند مغاسل الرجال وأنادي محمد قال نعم قلت ويييييييييييينك يابقره أبيك قال أنا هنا يوم طليت وإلا وجهي بوجه ولد عمي أثاريه هو إللي من اليوم يقول نعم بس بصراااااااااااااااحه حقييييييييييييييير لأبعد حد أبي أفهم ليش كان يقول نعم ؟؟؟؟؟؟؟؟

عدي و خربطي خصوصا مع حمواني :/

يووووووووه ياكثرهم لا ومن الفلاحه قال بهج اقعد اصقع في هالبيبان والجدران لين الي شافني يمل ويبي يعدل طريقي صوح
نفسي لاصادفت احد اثقل واروح بدون رجه وتصقيع بس ماعرف لازم افر افر لين ادل الطريق صح

تصدقي مره شافني اخو زوجي ومن فجعتي بركض والله بغيت اشيل الباب والمشكله الي بغت تنشال كتفي قعدت فتره مصروعه من الالم منها بس ازيتها وامي تقول اثقلي اعصار على غفله

صارت لي الله لايعيدهاااا

قمة الاحراااج

انا ماتحرك اصير جماااد بهالمواقف

يوووه ياكثر المواقف
بس اذكر واحد منها يوم عيد الاضحى
حنا في منطقه غير منطقة اهل زوجي واذا جينا اجازه نجلس عندهم بالبيت
المهم يوم العيد الصباح اخوان زوجي كلهم بيجون وانا فوق في غرفتي لبست وتكشخت ولبست بنتي
وادق على زوجي اقوله تعال عشان تشوف لي الطريق ابغى انزل وهو ماله خلق يجي قالي ماحد في طريقك تعالي بس
وانا قلت احتياط البس عباتي لبست عباتي بس ماتغطيت واشيل بنتي واغراضها ونازله ركض مع الدرج الا مافي احد قلت يالله زين ويوم وصلت عند باب بيتهم شلت الطرحه وفتحت الباب ودخلت الا اخو زوجي في وجهي
ومن الصدمه هو واقف وانا واقفه بعدين استوعبت ورميت بطانية بنتي على وجهي وهو راح
وفي نفس اليوم نامت بنتي شلتها ورحت حطيتها في غرفة اخت زوجي وانا راجعه الا ولد اخوه قدامي قاعد يكلم زوجته
وفي نفس اليوم بعد كنت رايحه لاهلي ولبست وانا نازله فتحت الباب الا اخوه الثاني قدامي
ياعيني كلهم شافوني اليوم
وصرت اذا رحنا لهم ماانزل الا وزوجي معاي