نجمة الرفاع :

وعليكم السلام ورحمة الله وبركاته اعذريني أختي ردي بيكون شوي طويل.. أنا مركبة باركيه له عندي تقريبا سنة أو أكثر ، وبنفس المواصفات اللي ذكرتيها ولونه غامق ونوعيته نص لمعة مايل (للمات ) أي بدون لمعة وطبيعي أول مايركبونه لك يكون لونه باهت حتى لو مسحتيه وهذا بسبب الطبقة اللي مغطيته كأنها شمع ويحتاج تقريبا أسبوع إلي أسبوعين مسح لين يطلع لونه الطبيعي وطريقتي في تنظيفه ، اكنسه بالمكنسة الكهربائية مع ملاحظة أن رجل المكنسة على وضع الفرشاة عشان ماتخدشين الباركيه وبهدوء أشيل كل الغبار والمسح يكون بالممسحه بعد تجفيفها تجفيف وسط وبالماء فقط من غير منظف وأفضل ممسحة للباركيه من خلال تجربتي الممسحة الدائرية بالخيوط ولازم تاخذين من المحل ملمع الباركيه، هذا تحطينه بالشهر مرة وحدة وبالنسبة لتعرضه للماء ، أنا ولله الحمد ماشفت منه أي مشكلة خصوصا أنه واصل للمغسلة ولباب الحمام وأنتي بكرامه ومرة صار لنا موقف ، من شدة قوة المطر مع الهوا دخل من الباب كمية من الماء وكنت برع البيت لساعات ولم رجعت نشفته بالفوط ، والحمدلله لا انتفاخ ولا مشاكل وشخصيا أنا وزوجي تحسفنا أنا ركبنا البيت بورسلين، لأن الباركيه أفضل بكثير وحاليا نفكر نركب الباركيه بالصالة أعتذر على الإطالة وأي سؤال أنا حاضرة

وعليكم السلام ورحمة الله وبركاته اعذريني أختي ردي بيكون شوي طويل.. أنا مركبة باركيه له عندي...