خلطة ويا كثر الخلطات..............

بنات انا هالشهر استخدمت خلطة قالت لي عليها وحدة من قريباتي من زمان بس توني اجربها بعد ما مليت من الابر والمنشطات .

وهي كالتالي :

فنجال يانسون مطحون

فنجال محلب مطحون

تخلط مع بعض وتؤخذ مقدار ملعقة صغيرة الصباح على الريق
وملعقه صغيرة ثانية قبل النوم .
من اليوم الثالث للدورة وحتى اليوم السابع يعني خمسة ايام.

تصدقون يابنات لما رحت للدكتورة اشوف التبويض لقيت عندي بويضه مقاسها 17 وانا لسة باليوم 11من الدورة . فرحت مرة بغيت اطير من الفرحة .

الله اعلم بس اكيد انه من الخلطة . لاني حتى لما استخدمت الكلوميد ماتعدت 17 في احسن احوالها

عاد انا اليوم يوم شفت النتيجة قلت اعلمكم كود تفيد احد منكم وتحمل عليها يارب ويكون لي اجرها

بس اللي تحمل تكفون تدعي لي..........لا تنسوني

ترى والله مانسيتكم من شفت النتيجة وانا جاية اعلمكم

وترى انا ما اتحمل اي مسؤوليه من تسبب لها نتيجة عكسية

الله يكتب لي ولكم اللي فيه الخير.