بنت القطان ادخلي وبا قولك وش صار معاي في الطبخه

بصراحه ما اعرف شو اقولك على الوصفه اللي عطيتيني وهي طريقه الخروف كانت بصراحه قمة في الطعم ومع اني اجريت عليها بعض التغيرات وبذكرلك طريقتي بالضبط علشان مثل ما استفدت منك يمكن تستفيدي مني المهم الطريقه هي
1-غسلت الخروف بالخل وتركت ما يقارب نصف ساعة
2-حطيت المقادير التاليه مع بعض وخلطهم وهي:
(6بصلات صغار مبشورات-6حبات ثوم مبشورات-زنجبيل طازج مبشور ثلاث ملاعق -
عصير ثلاث ليمون كبار تركي او لبناني- كركم ما يعادل 3ملاعق -قرفه نصف ملعقه-
فلفل اسود نصف ملعقه-فلفل احمر نصف ملعقه-ليمون اسود ناعم ربع ملعقه -
علبة زبادي-ملح نصف ملعقه)
3- الخلطه هذي دهنت الخروف فيها.
4-بعدين رجعت فركته بشوية ملح
5-بعدين دهنت بالزبده ما يعادل خمسين غرام ثم دهنت بالزعفران الاصلي وشوي كثري منه.
6-ثم لفيته بالصدير ودخلته الثلاجه اكثر من 12 ساعة.
7- وفي اليوم التالي دخلت الفرن وسويت نفس طريقتك اني حطيته على الشبك وحطيت في الصينية ماء .
8-لاني احب اللحم ذايب و خليته في الفرن 6ساعات .
وفي النهايه بصراحه طعم لا يعلى عليه مع انا نسوي الذبيحه في المطعم بس طعمها اليوم
كان احلى من المطعم الف مره.
على فكره الذ بـيحه كانت تيس مب خروف وفي حشوة البطن ما حطيت الا بصل شرايح.
وفى النهايه احب اني اشكرك واتمنى الجميع يستفيد من تجربتي واظن اني ما اراح اغير الطريقة.