السلام عليكم ورحمة الله وبركاته
طبعاً راح تستغربون من عنوان الموضوع
لكن المضمون مختلف دايم أشوف مواضيع كذا
رجاء النفسيات لايدخلون موضوعي إذا انتي ماتبين تتقبلين النصيحه
أو ماتبين تتقبلين آراء الأخوات اللي بالمنتدى ليش تكتبين الموضوع من الأساس
ترى النفسيه مرض يصيب بعض الناس حاله تجيهم شلون تحكمين على الكل بأنهم نفسيات
ولما تجي وحده تكتب موضوع وتكون جديده على طول يقولون لها انتي جديده يعني كذابه
تعرفينها شخصياً علشان تكذبينها مو شرط تكون كذابه ممكن تكون فيه وحده قديمه كذابه
هذا مثال أضربه بس
إذا وحده غلطت غلطه وتابت جات كتبت موضوع تبي استشاره تجي وحده تسبها
وتقول لها محد خرب المجتمع إلا أشكالك ليش ماتدعين لها بدعوه طيبه وتدعين لها بالهدايه
بدل ماتتمسخرين عليها تذكري الله سبحانه يبلي اللي يعيبون على الغير ممكن تبتلين بيوم
وتجين تطلبين استشاره مثلها
وحده تجي غضبانه من زوجها تكتب كلام على طول تطلقي ليش الطلاق حل للمشاكل
الطلاق فيه تشتت وحده يضربها زوجها ليل نهار بس تتحمل علشان عيالها لأن بعضهم
يكتبون أهلي مايبوني ومايبون عيالي وين تروح تجلس تحت رحمته لحد ربي مايعوض صبرها
بخير إن شاء الله ويعوضها بعيالها لما يكبرون عن سنين الظلم اللي شافتهم من زوجها
فيه أهل للأسف خلاص من بنتهم تتزوج ويطلع زوجها أخلاقه مطينه يقولون لها اصبري
تضطر تسكت وتصبر على الظلم تجي وحده تزيدها
وحده زوجها طلقها وباع عشرتها وبعد سنين فكر يرجعها بعد ماجرب الزواج من وحده ثانيه
تجي وحده بكل بساطه تقول ماعليكِ هذول نفسيات يخافون أزواجهم يتزوجون عليهم
أنا أو غيري لو فكر زوجي يتزوج محد بيمنعه لكن انتي حطي نفسك مكانها هانك زوجك
وبعد سنين فكر يرجعك راح ترجعين خل نشوف تكونين نفسيه على قولتك لما يطلقك ويرجعك بعد
كم سنه أو تنبسطين لما يتزوج عليكِ المرأه بطبعها الغيره صح الشرع حل اربع
لكن مافيه وحده تقبل ثانيه تشاركها بزوجها
حتى اللي ماعندها رد مثلاً ترفع الموضوع بذكر الله يحطون لها دس لايك
استغفر الله ذكر ربي يحطون لها كذا وين عقلكم وين خوفكم من الله
بالأخير لكل وحده منا رأي مختلف لكن لازم نحترم الغير ولو ماعندي رد لصاحبة الموضوع
على الأقل أدعي لها بدعوه تريح بالها ماقول لها انتي نفسيه وانتي فيكِ وفيكِ
هاذي مو أخلاق المسلمين
الله يوفق الكل لما يحبه ويرضاه
بقايآ حَـنـينْ @bkaya_hnyn_3
كبيرة محررات
يلزم عليك تسجيل الدخول أولًا لكتابة تعليق.
حرم القنصل
•
لا اله الا الله الملك الحق المبين
حبيبتي وربي بعض العضوات فعلاً مريضه
لا تلومين أحد وربي كنت ألوم البعض لكن لما أتلطعت من هالأشكال عرفت أن النفسيه شويه عليهم
لا تلومين أحد وربي كنت ألوم البعض لكن لما أتلطعت من هالأشكال عرفت أن النفسيه شويه عليهم
الصفحة الأخيرة