اليوم جبت لكم قصيدة الشاعر حامد زيد ( قرم وفقير )
وهي من ديوانه الجديد .. وان شاء الله تعجبكم ..
منك العذر وعلي المعذرة
لاتحسب حساب هجر ولا هجير
كل ذنب بتذنبه بستغفره
واحد مايعذرك مافيه خير
دور بصدري وطن واستعمره
عندك من الضلع الأول للأخير
عيش فيني ودمر اللي تدمره
واعتذر لي واعتبر سرك في بير
لاتبشرني بجرح وتذخره
لاتعشمني بفرح وتستخير
ولاتنومني بليل وتسهره
ولاتنام إلا وأنا جفني سهير
خلني مثل النجوم مبعثرة
عيش فيني لاشهيق ولا زفير
لاتقول العفو عند المقدرة
خل قلبك صلب وحسابك عسير
المسامح والزعل للمبزرة
والا انا لاني زعول ولا صغير
ودي أدري ليه للحزن ثمره
ودي أقطف من قساوتك العبير
ودي أجفل من فراقك وأحذره
ودي أعرف لو زعلت إيش يبي يصير
لو تقدر خاطري صدق أكسره
لو صحيح تحبني لاتستشير
أزرع بقلبي سبب يستنفره
أثبت أنك غير وان الناس غير
شاعرك ماكل بنت تجرجره
حارت به عقول ناس ماتحير
النساء ماحركوا فيه اشعره
ثار عشق ومالقى شي يثير
لو سكت شفت الوقار في منظرة
وإن تكلم زمهرير بزمهرير
مايحضر الا القلوب مجمهره
ومايغيب الا وعشاقه كثير
إن هجرته تستقر بمحجره
وإن تبعت رضاه ماعينت خير
اعشقه لكن بعد ماتقهره
ابتسم له بس لاشفته كسير
حن لكن حن لاجبت اخبره
حب لكن خل حبك بالأخير
لو عطيته وجهك أعطاك اظهره
صد عنه ويتبعك مثل الضرير
لاتحاول تكسبه ماتخسره
صير ثلج يصير لك مثل السعير
ماتميل الا الغصون المثمره
ومايسيل من الجروح الا الغزير
من قبل لاتنقهر منه أقهره
قبل لايستحقرك خلك حقير
اسكنه ، حرك جموده ، بعثره
اعشق،أكره،عاتب،أشره،حن،غير
أنثره ، لملمه ، لملمه ، أنثره
صد ، ياخي طير لو تقدر تطير
من متى وانا اتحرى لي مره
تثبت إني لاوقعت أوقع كبير
أبك أنا مقطوع من غصن اشجره
لاصديق ولارفيق ولا عشير
ابدوي شيب الصبر اشعره
ماعرف ريش النعام ولا الحرير
إن غفا كن السحاب يدثره
وان صحا يفرش من الرمضا حصير
ماخذ من قسوة البيد أكثره
ومن شموخ البدو شر مستطير
جنته صحراه والشوك ازهره
والسراب بنظرته مثل الغدير
إن فزع يامشجعه يامظفره
من خلقه الله وهو قرم وفقير
كان ماتقدره قل ماتقدره
صير غالي صدق ولا لاتصير
الغلا اللي ماتزعزعه اهجره
دام قلبك لايجار ولا يجير
شوف لك رجل بليد استحقره
واجد اللي يعشقون بلا ضمير
بس أنا لو جبت لي مية مره
ماتحرك في شعره لو تطير
Oo الــدخيــله oO @oo_aldkhylh_oo
مساعدة مشرفة الواحة الأدبية
يلزم عليك تسجيل الدخول أولًا لكتابة تعليق.
دلوعة حبيبها ..
سلمتي على المرور
احلى عتيبيه ..
حياك الله يالغلا .
تسلمييين على مرورك العطر
سلمتي على المرور
احلى عتيبيه ..
حياك الله يالغلا .
تسلمييين على مرورك العطر
الصفحة الأخيرة
صير غالي صدق ولا لاتصير
الغلا اللي ماتزعزعه اهجره
دام قلبك لايجار ولا يجير
شوف لك رجل بليد استحقره
واجد اللي يعشقون بلا ضمير
بس أنا لو جبت لي مية مره
ماتحرك في شعره لو تطير
ــــــــــــــــــــــــــــــــ
والله جناااان يالدخيله
يسلمووووو ياأموره
شاعر مبدع ونقلك لقصيدته أروع
تقبلي مروري
دمتي لي بود