مونسيني وانا في استراليا

السلام عليكم ورحمة الله وبركاته ، ،

انا عضوة جديدة بس عليكم ما انا بجديدة اقصد اني اتابعكم هنا في غربتي من حوالي ثمانية شهور اللي هي مدة حملي ، يعني من اول ما حملت ،، حبيت اشارككم في المنتدى لانكم بالفعل عاجبيني ومونسيني في غربتي ، انا مع زوجي اللي يحضر دراساته العليا هنا في مدينة ملبورن ،،

على فكرة اختياري لاسمي ( كانت مغتربة ) اقصد فيه اني كنت مغتربة قبل ما اتعرف على منتداكم وعشان كذا الحين ما ني بمغتربة او بالاصح كنت مغتربة ،،

انا في الاسبوع 34 من حملي ، وعندي سكر الحمل ،، والله لا يوريكم الدكتورة معذبتني عشان ذا السكر ومخوفتني كثير ،، تقول ان البيبي بيتضخم مع ان السكر عندي يطلع وينزل واكثر الوقت نازل ،، بس وش تقولون ،، الاهتمام هنا زايد حبتين ،،

عطوني نصايحكم ولا تبخلون على اختكم اللي ما هي مغتربة معاكم ،، وسلامتكم ،،،