بنت سبع

بنت سبع @bnt_sbaa

محررة برونزية

افطر لحالي!!!

الأسرة والمجتمع

مساء وصبااااااااااح الخير

ماحب اتشكى بس ..................

صارلي ثلاث سنين واناافطر لحالي:09:

لااهل ولازوج


ابوي لارحت افطر عندهم شب في وجهي والله ان اخر مرة فطرت عندهم وانا حامل وطالعه من الكليه الساعه 3ونص اربع مامداه اذن بحط التمرة بحلقي الا قط كلام مثل السم ........
قدام الاهل كلهم
مايبينا نجتمع في بيته في رمضان وفي غير رمضان وهو ماعليه قل فلوس


وزوجي مالومه يروح يفطر مع اهله حلاة الفطور جمعه عند اهله ((بيت اخوه الكبير لانه ابيه وامه متوفين )) وش اقولة اقعد معي افطر ؟؟ لحالنا اترك جمعتك؟؟


ولا انطم واسكت واكل لقمتي بدموعي والله ان اللقمه ماتمر والعبرة تخنقني ماقدر افطر اتذكر اخواتي وامي وهم مجتمعين وانا لحالي زوجي اللي هو زوجي ماهميته !! ولاتقولون كلميه وووو مدري شسوي يعني افطر لحالي ماهوب حاس بي؟؟ والعام وقبل العام كله خناق وهواش على الفطور اقعد مانيب قاعد
مليت وكرهته وامس يقولي شرايك نقضي لرمضان ولاكيف؟؟؟


يعني كالعاده بيجي رمضان وبيروح وانا افطر لحالي والله ماله طعم رمضان بدون اللمه
والمشكله اهل زوجي طيبين ودايما بناتهم يفطرون عندهم كل وحده بطبقها
وانااروح لهم كل خميس <<<هذالمفروض
بس اني قطعت حتى يوم الخميس
طفشت
اذا اهلي مش متحمليني
كيف الناس؟:؟؟؟
عافت نفسي كل شي امي مابييدنهاحيله

مدري شسوي
والعله لاخذا بنتي وقت الاذان تفطر معهم يعني بيدرون اني افطر لحاالي وبيقولون هذي معقده وتحب الجلسه لحالها
لان كذا مرة قالو ذالكلام بوجهي لانهم يدرون اني ماروح لاهلي الا مرة بالاسبوع وفيها نغزات من ابوي مش عاجبه بعد.... لي ثلا ث سنين مارحت لاهلي برمضان الا اخرالليل اذا طلع ابوي رحت شوي ورجعت قبل لايدري عني واطلع من الباب الجانبي بعد

مدري شسوي شلون اسلي حالي برمضان
امس مانمت رجعت لي الهموم مانمت الاالصباح 9 اتقلب واتقلب من الفجر ولاغمضت لي عين الا الصبح

حسبي الله ونعم الوكيل
تعب قلبي من ذالدنيا
ابوي يطردنا ورجال تطرد 0.....والله لواني موظفه كان ماقعدت ولا دقيقه كان سويت كل اللي بخاطري ابتعدت ابتعدت من ابوي ومن زوجي
لا والشيخ مانعني من صلاة التراويح بالمسجد عشان بنتي! طيب بصلي فالبيت اناابي عالاقل اسم اني اطلع ارفه عن نفسي بالجماعه العام صليتهابالبيت ولاشي تغير فيني لاتمشيات و لا زيارات

احمدو ربكم ياللي يجونكم ناس وياللي تتأفف من الناس اللي يجونها
العله اني صرت باردة المشاعر خلاص عافت نفسي زوجي ولايهمني يفطر معي ولايطس بس تحز فخاطري لااحد سئلني وين فطرتي اليوم وش تسوي اممك بالفطور
77
10K

يلزم عليك تسجيل الدخول أولًا لكتابة تعليق.

تسجيل دخول

أم جودي فاشن~
أم جودي فاشن~
الله يفرج همك يالغلا
بس انا اقول دام اهل زوجك طيبين ليش ماتروحين عندهم بنفس الوقت راح تكسبين حب زوجك لانك قدرتي اهله
وانا ماشوف فيها ثقاله خصوصا لو ساعدتيهم بعدها بشغل البيت والمطبخ
بالعكس راح يحطونك على راسهم

الله يفرج همك ويجمع شملك مع احبابك يارب :(
ولااسم متاح
ولااسم متاح
انتى من البدايه غلطتى ليش زوجك يفطر مع اهله عشان كذا تعود ماراح يترك هاالعاده لا ن زوجك على ماعودتيه وولدك على ماربيتيه عشان كذا بنتك لا تروح عند اهل ابوه خليه تونسك وتكبر وتوسع صدرك ان شاءالله
البارقه السعوديه
لاتزعلين نفسك يا عسل تعالي افطري معنا حياآاآك وربي دوووبي اتكلم عن خالتي كانت كل يومين وتجينا
بذات في رمضان كل يوم بعد اذان العشاء والحين تقوول شكلي ماني جايتكم لانه عندي شغل والعام كان عندها شغل
بس تخلصه وتجينا والحين معد تجينا الا نادرا بس انصحك دام اهل زوجك يبغونك روحيلهم وجيبي اكل معاك وعن ابوك مهما قال هو كبير في السن
ولازم تتحملينه ولاتزعجونه ولا ترا بيتعودون ع بعدك وروحي عند اهلك وناديهم ببيتك وكذا واهتمي بالعباده
لأن الأُنس بالله احلى واغنى من كل شئ والله يوفقك ويسعدك وبجنة الخلد يدخلك
dl3 albader
dl3 albader
الله يكون بعونك يالغلا حاسه فيك
ام النرجس
ام النرجس
سوي فطورك وروحي لااهل زوجك معه0000اذا هم على كلامك طيبين 000اشتغلي معهم وكولي معهم يعني لا تجلسين مثل الضيفه000او اعزميهم عندك يفطرون 000مره مرتين00واذا ماتقدرين اجلسي ببيتك وافطري لحالك واحمدي الله ماعندك شغل وتعبدي واستغلي وقتك بالعباده فرصه برمضان