أنا ما اكلمكم عن قصة..
أنا بكلمكم عن شعر كان رائع سلس إلى حد ما .. و ناعم..
أصبح شعر شجري مثل هذي الصورة
قبل........................بعد
صار شعري يتشابك بدون سبب يستحك ذاك التشابك ومن تشخيصي والله اعلم أن الشعر الشجري ظهر إثر التشابك لأن عند التشابك أحاول أفكه بشويش وبالفرشه ويتقطع ويطلع شكله كأني أحد الشريطة بالمقص عشان ألويها يطلع كأنه مكسر..ومقطع صار ربع شعري طاير مقطوع مع تكسره ونصه يميل للجفاف وأختي تشوفني تقول يوووه وش ذا تغير شعرس..وانا متحسره لأني ماكد آذيت شعري لا بسشوار ولا بصبغات ولا بشامبوات أم ريحه وبلاسم ووالخرابيط حقت الحريم بس
بس من بعيد يمكن يكون شكله عادي مب مبين عليه أنه فيه خراب..وأول إذا نزلت خصله تصير متجمعه وسايحه إلى حد ما هالحين إذا نزلت خصله تصير كل شعرة بينها وبين الثانيه نص سم بدون مبالغه مع شكلها المكسر يعني ألمس الشعره فيها مطبات يعني كأنها متكسره..وغير كذا فيه شعر صار ثخين ثخين كأنه شعر محلوق من ثخونته طاير للسقف مع أن شعرتي خفيفه..وأشوف فيه تقصف شوي من تحت ببعض الشعرات ومره شفت من نصفه والله ما سويت به شيء عشان يصير كذا أمي تقول من عقب إستخدام الخلطات وأنتي شعرس خربان وأنا كنت استخدم الحنا وزست الزيتون والبصل والثوم بس يمكني كنت أستخدمها خطأ وكنت أستخدم الخميره والعسل والسدر والخيار...إلخ بس هالخلطتين فما أدري وش أنا مسويه فيه هالشعر..ترى الحمد لله مب لدرجه الفساد الذي ما معه حياة بس أني صرت يا أجدله يا ألويه كعكع على الرقبه عشان ما يتشابك..طبعا التشابك خف عن أول بس لازال ..ما ادري وش القصة بس يمكن عشان ذنوبي..
يا بنات أنا كل شيء ولا الشعر يجيه شيء وإذا قالوا شعرس وشعرس أقول خلاص أسكتوا يضيق خلقي واجد..
مدري فيه أحد كد صار له كذا
وش الأسباب علما إني أمسك شعري كثير
وهل هناك علاج بإذن الله كخطوات أتعامل فيها مع بشعري
لا تفولون زيوت اللي بتكتب كذا أنا انصحها ما تتعب نفسها لأني ما بي زيوت هبدا
ويالله أجبروا خاطري
اللهم أغفر لي واغفر لهم
سبحان الله وبحمده سبحان الله العظيم