صدقيني مافي افضل من المكافأه
اذا انجزت فهي بتساعدك علي نفسها
مثلا اشتري هدايا من ابو ريالين
وقولي بعطيك مفاجاة ان كتبتي الاملاء كله صح
او بوديك الالعاب(الملاهي)
المهم شي تحبه
او جيبي لوحة ونجوم
وعلقيها بغرفتها
وقولي كل جبتي علامه كامله
احطلك نجمه
ومن هالافكار...صدقيني
هالاشياء مهمه عندهم

بنتك زي بنتي عنيده ومالها خلق في الدراسه مادري وش فيها تمل بسرعه اليومين هذي اشتغلت بالاستكر الحمد الله مشي حالها مع انها ذكيه بس تناحه واقولك حاجه التكرار ثم التكرار نصيحه مني

والله هالمدرسات يبون البنات متعلمات وخالصات ليه استدعاء ؟؟؟ تكتب ملاحظه كلمي بالتليفون اما استدعاء وجرجره فمالها داعي
عشان البنت ماتعرف املاء طيب انا مدخلتها عشان تعلمونها .
خصصي لها باليوم 7 كلمات وخليها تكتب كل كلمه 20 مره وكل يوم هكذا وبإذن الله يصير ممتازه في الاملاء طولي بالك عليها احس المدرسه الله يهديها هي اللي مكدره عليك بأسلوبها البنت توها اولى لو انها رابع قلنا ممكن بس اولى !

بنتك بمدرسه اهليه او حكوميه ؟

شوفي ياقلبي ... انتي لازم تعرفين وينه في الخلل ....!!!
يعني ركزي شوي مع بنت واعطيها كلمات صغيرة خارجية وحاولي تعرفين على تعرف نطق الاحرف صحيحة !!... يعني هل تعرف ان الالف تكتب أ... ولما تسمع الباء تعرف انها ب...... يمكن تتلخبط عليها الحروف فلما تنطق الكلمة ما تعرف تتهجاها صح لانه الحروف ملتبسة عليها ...
ثانيا : الحركات ... لما تكتب الحركة لازم تعرف موقعها وانه المد يختلف عن الحركة ... يعني ... لما يكون المد قصير فهو حركة واذا حست انه المد طويل فهو مد بحروف اللين الالف او الواو او الياء ......
ياعيني يمكن المسالة جدا سهلة ممكن مجرد اساسيات ...لا تحفظينها الكلمة قبل لا تفككينها لها وتفهمينها ليش ننطقها كذا ونكتبها كذا وانه كل حرف يخرج له شكل وحركة واحتمال ينمد ... مجرد اساسيات بتتعبين شوي لكن بعدين امورك تصير تمام ...
اهم شي لا تملينها الكلمات لمجرد انها كلمات مكتوبة ولازم تحفظ شكلها طول حياتها ...لازم تفهمينها صح ليش احنا كتبناها بالشكل هذا وكيف اذا اعطيتيها كلمات جديدة تعرف تتهاجاها وبالتالي تكتبها صح .......
بالتوفيق وادعي لي بالذرية الصالحة والله يحفظ لك عيالك ويخليهم لك ويخليك لهم :)

الله يعينك

ويااارب تكون بنتك شاطره بالاملاء وكل المواد يارب وترفع راسك بعد