السلام عليكم
بنات كا العاده اذا صفيت على مواضيع عالم حواء ارجع اتصفح الارشيف <<<<<<تموت في الماضي
المهم واطيح على هالموضوع والله الموضوع في عظه وعبر لكل وحده تعاني من خيانة زوجها خصوصا ان
الاخت سارده الموضوع بطريقه رائعه اتمنى انها ترجع تشارك معانا خساره وحده مثل عقلها ورزانتها وقفت
عن المشاراكات وهذ الرابط
http://archive.hawaaworld.com/showthread.php?t=618015
عموما اذا مانفتح الرابط هذي قصتها نسختها هنا اسم العضوه حبيبة قلب علي عنوان قصتها (قال حميدان قال)
بسم الله الرحمن الرحيم
السلام عليكم ورحمة الله وبركاته
حبيباتي واخواتي ...
اليوم بأسرد لكم قصة واقعية كنت فيها الضحية والبطل بالمختصر كل ابونا عيوب وكلنا خطاءون ومن فينا ينكر عموما اختكم في الله تفاجأت بعد عشرة 3 سنين إلا كم شهر زوجها هيمان يعني اول ما بدأ يحب بااااين عليه ومكشوف اولا الرسايل اللي بالانجليزي لانه يموت بالانجليزي وانا فيه اعطي نفسي 40 بالمية يعني مو مرة كانت الرسايل عادية كلمني بكرة الصباح او تمسي على خير بس والمرسل شو اسمه حميدان ومنهو حميدان يقول زميل دراسة لكني سجلت رقمه بالنوتة كنت ابي اوصي صديقتي تشوف هوية المتصل زي عوايدي ودايم يطلعوا رجال لكن سبحان الله هالرقم سجلته ومانويت ابين لاحد شكوكي بزوجي وقلت لو مره ياشطورة خليها بينك وبين الله ومرت الايام ورحت زواج وانا عوايدي اوجِّب وامشي بعد مايتعشى زوجي اسهر في بيتي هذاك زواج قرايبي ويلطعني لين الفجر واتصل عليه وعنده انتظااار ورحت البيت بعد بكاء مرير قدام خلق الله وهم يحسبوني ابكي حزن عالعروس اللي بتسافر وتبعد عن اهلها!!!
دخلت البيت لبست احلى قميص نوم مسحت اثر الدموع ورحت يم الزوج الولهان ومسكت كتاب اقراه لين حاول يتميلح بوجهه ويسألني عن الفرح ورديت بكل برود وهذاك اليوم ابصم بالعشرين كان يكلم وحده ماعلينا كم يوم وتجئ رسالة عشق ووله من حميدان هذا وزوجي اللي ماكان يعرف يتكلم معي ايام الملكة وكنت اكتب له الرسايل ويقول والله ماعندي اسلوب كان يصبح عليها برساله وقبل مايتغدى يكلمها وقبل العشاء وهذا كله قدامي تؤمنون بالله اني لما اشوفه يتبهلل علي تنسد نفسي ولا آكل وخلال شهر نزلت 10 كيلو كنت احلم قبل الزواج انزلها ولا قدرت ويوم كشفت الرسايل اللي يرسلها وهذا كله وانا قدامه احلى من عروس والله العظيم ماقصرت معاه ولا مع اهله لكن دايم اقول كلنا خطاءون اعتزلت الناس حتى لا اشتكي لاحد لان الشكوى لغير الله مذله واجهته يوم بعد صلاة الفجر قلت له سألتك بالله تكلم وحده وحميدان عشيقتك قال ابد ذي خطيبتي عارفين وش سويت قبّلته في خده لاني ارتحت 70 بالمية والله ما ابغى الحرام هذا ردي عليه وقلت له منك المال ومنها العيال لاني اجهضت مرتين الاولى ابرة بنج لاسناني والثانية خذيت سكر نبات وحطيته بالمنطقة إياها وفي الحالتين مادريت اني حامل إلا قبل اسقاطي بكم يوم وبعدها كان عندي ضعف مبايض لكن ما عالجت نفسي لان زوجي دايم يقول اكره الاطفال وازعاجهم عموما سألته عنها وألحيت عليه اكلمها حتى نصير احباب واذا الله اكرمنا بعيال نحببهم ببعض وهذا كله شغف نفسي اشوف منهي اللي خلت زوجي من حبها كنه مخبول وكان يتبهلل يقول شكلي باتراجع قلت كييييف تتراجع تعلق بنت الناس فيك وباين عليك تموت فيها وهي اكيد تحبك لالا مايسير كان يطالع في عيوني وكنت اقرأ عيونه كان يقول مرتي طيبة وساذجة معقول تطلع مكارة !!!!
واصريت اكلمها عارفين وش قال قال انا متفق مع اخوها وبعد ماكلمت ابوها وهي مو سعودية وهاذي ماتفرق معاي لان الحرمة حرمة سواء امريكية او هندية ويا عيون قلبي انتم اول ما شكيت بزوجي اخرجت الرسيفر اللعين من بيتي والتزمت بالوتر والضحى وتمسكت بربي اكثر وفعلا قطعت الناس هاذيك الفترةوقلت الاحتكاك بالناس لا يخلو من قيل وقال وتصدقت والله الصدقة يا بنات تحسن حالك بفضل من الله والاستمرار على الاذكار ومنها الصلاة على النبي وادعية الهم والكرب وسألته وألحيت عليه بالسؤال ليه انا وش قصرت ويقول والله ولاشئ ويبكي زي الطفل ويتبهلل علي ويقول اقرأي عليّ شكلي مسحور كذااااب راح يسمع آيات الرقية ويبكي بحضني ويقول اليوم واحدة عرضت نفسها علي وانا بيني وبين نفسي على ايه!! وليه!! وحسيتها افلام مكسيكية من تأليفه ومشيتها بمزاجي وكنت دايم اقول من رضي فله الرضا ومن سخط فله السخط ويوم فعلا فاض بيه وقلت له انا ما اتحمل هالحال يا إما تتزوجها وتواجه اهلك وانا اعلم بحب اهله لي وإما تطلقني وقام يبكي قلت ذا مو صاحي البتة ياربي شو اسوي؟؟؟ ومرضت حميدان عفوا سارة ويسألني زوجي لا يكون دعيتي عليها ترى هي بالمستشفى قلت ابد بس اقول حسبي الله على اللي ينكد عليّ :::
واصريت اكلمها ابي اسمع صوتها كلمتها وقلت سلامات ياعيوني واتمنى تعطين زوجي موعد يناسبكم ابي اتحمد على سلامتك طبعا وسط التعجب!!! تركت زوجي يكمل المكالمة ورحت لغرفتي ودقايق جاء يقبلني يحسب اني اسامحه
وقلت له بيت خالد الفيصل
ماينسينا الخطأ حب الخشوم ولا يطهرك المطر عشرين عام
وفعلا فترتها اعتزلت كلامي عن الناس وياسبحان الله زوجي المصون كان يتشمت وردها الله فيه كان يسب اخي وحاول مرارا ان يجعل اخي يصرف نظر عن الزواج بالاجنبية وانا ارى طالما انها تخاف الله وش المانع وسبحان الله طب في حب الاجنبية وصارحته بهالشئ والشئ الثاني كان يشمت بواحدة من جماعتنا هداها الله انحرفت سلوكياتها بسبب رفيقات السوء وكان يضرب بها المثل فأصبحت تمشي كاشفة الوجه متبرجة وتدخن !! زوجي ليل نهار يستهزأ بها وتصوروا هاذي بعد مواصفات العروس!! سبحان الله
ورحت لها مقر عملها تعمل في استقبال عيادة اسنان حجابها ارى منه شعرها والميك اب كامل والله صُعقت من اختياره تمنيتها احسن مني تمنيتها تساعده على طاعة الله يالله كيف انحط مستواك وانت عندما تزوجتني كنت تقول سألت عنك حارس العمارة وسائق الباص وكان يلاحقني بعض الايام إلى الكلية وانا بنت مراقبة لا محبة وين الغيرة وربي انا انحطيت بال!!!!! يعني لا تشمت بأخيك فيعافيه الله ويبتليك..
وعطيتها هدية شوكلاته وحضنتني ودمعت عيناها وانا اقول على مين تقتلي القتيل وتمشي بجنازته طبعا في سري ..وزوجي ينتظرني وكان خايف يُغمى علي بس عارفين سويت فيها ثقة وقلت له ولها زين مااختار وربي كنت انتظر اليوم اللي يصارح فيه اهله ولكن....
شذى الاشواق @shth_alashoak
عضوة فعالة
يلزم عليك تسجيل الدخول أولًا لكتابة تعليق.
<<جاري قراءة القصه يعطيك العافيه<<جاري قراءة القصه يعطيك العافيه
وبعد هنا تكملت القصه
رحت لاهلها لانها عزمتني عالعشاء وبدأت تصد عن زوجي شوي شوي وقالت له ابي اكلم زوجتك ما ابي اكلمك وطبعا سبقت عبارتها اللي نزلت على زوجي مثل الصاعقة وكان يحسبها تتغلى عليه طلبات وشروط طلبت شقة تمليك باسمها وتروح لاهلها يوميا وما تستغني عن وظيفتها وطبعا الدخان والتبرج هاذي من خصوصياتها منعته من اول يتدخل فيها عموما صارت تكلمني بدل زوجي وكل مااتصل هو عليها ماترد وانا قلت اكيييد حركات عشان يتمسك فيها ومن قلبي كنت استخير لزوجي ولمدة 4ايام عارفين وش صاااار كانت طيحة الاسهم وكان رصيده مقترضه من بنك 200000ريال لم يبقى منها سوى 40 الف ريال وانا اقول سبحانك يارب سبحانك ياناصر اليتامى والمظلومين والصلاة الحمدلله انا مواظبة عليها من اول لكن كان هناك تقصير في احيان بسيطة في السنن والوتر والضحى لكن بفضل من الله التزمت بها ولن اتركها ماحييت باذن الله ويابنات اذكار الصباح والمساء لا تفرطون فيها
ورحت لعزومتها صراحة الام والعروس اخذوني بالاحضااان وانا اقول يارب اعطيني خيرهم واكفيني شرهم بس كانت اختها جالسة وبس تحرق في نفسها وكلمت الام بعد ماقهوووني قلت ياام سارة جيتك ولا ترديني طبعا الام تنحت فيني قلت ابي اخطب بنتكم المصووون لزوجي قالت ليه وش السبب قلت ابد يبغى عيال وانا حملت مرتين واجهضت وانا اياميها لي سنة ماحملت آخر اسلاب لي يوم مات الحريري الله يرحمه وماكنت ادري انه عندي ضعف في المبايض ويا حبايبي الا الام تطلع سيجارة وتدخن والبنات معاها وربي حشروني تقولين قاعدة وسط محششين اعوذبالله وقالت انتي حلوة وباين عليكي بنت حلال قلت ياخاله وش فيكم صدق رسول الله صلى الله عليه وسلم يوم قال بمعنى الحديث الاسلام بدأغريب وسينتهي غريب عادي مو جداتنا كان لهم جارات بمعنى ضراير والا اختها اخت عروستنا تقول لا ما تصدقي الاول تتهنى والثانية تشقى لانها الهانم الثانيه وعن تجربه تقول الكلام هذا &&
وقلت ابد لما القى زوجي يكلم بنتكم ليل نهار وبالساعات ولما البس حتى احلى لبس القى زوجي يفكر ولما اساله عن العروس ينبسط وتنفرج اساريره ويازين اساريره
وواصلت رجاءي بالله وحده وكلها اياااااااام وتقول لزوجي انا حبيت احد غيرك وبطلت اتزوج قال من حبيتي قالت زوجتك حسيتها مثل اختي واتمنى ماتحرمني منها طبعا جاءني زوجي يجر ذيول الهزيمة """""
والحمدلله بعد شايفين عظمة الله وقدرته وبعد كذا زوجي كان مصدووووم ماكان يتوقع اني اتعرف على العروس وينتهي كل شئ وانا اقول الفضل لله وحده
وتعالجت من ضعف المبايض والان انا حامل بتوأم ماشاء الله تبارك الله واتمنى تدعو لي ربي يقومني بالسلامة ويرزقني شوفته ولدي بحضني لاني بانيه عليه كل امالي اما زوجي الله يثبته على طاعته دايم اردد عليه هالابيات
عفوا تعف نساؤكم في المحرم وتجنبوا مالايليق بمسلم
ان الزنا دين فان اقرضته كان الوفاء من اهل بيتك فاعلم
من زنى يزنى به ولو بجداره لو كنت يا هذا لبيبا فافهم
من زنى في بيت بربع الدرهم في بيته يزنى بالفي درهم
لا والف لا للطلااااااق
وعلى فكرة الحمدلله اهلي ربنا معطيهم وعندهم خير وانا جامعية و26 عمري لكن هذا كله ماغرني وياما حاول ابليس اعوذبالله منه لكن هيهات.....
والفايدة اللي اتمنى من كل بنات حواء الاستفادة منها
التقرب الى الله في الرخاء حتى يكن معك بالشدة واحفظ الله يحفظك وصلاة الليل والصلاة عالنبي صلى الله عليه وسلم الصبر عند المصيبة عدم اللجوء للناس عند المصيبة لانني واثقة مليوووون بالمية لو شكيت لاهلي ماتركوني في بيتي دقيقة وكنت لا سمح الله من المطلقات لعدم صبري والثقة بالله والاستغفار ومحاسبة النفس ولا تشمت باخيك فيعافيه الله ويبتليك وكنت اسمع مثل بيقولوه جداتي رحمهن الله ماتموت عين ولها دين يعني لا تغلطي باحد فترجع فيك او في احد من عيالك وسلامتكم
رحت لاهلها لانها عزمتني عالعشاء وبدأت تصد عن زوجي شوي شوي وقالت له ابي اكلم زوجتك ما ابي اكلمك وطبعا سبقت عبارتها اللي نزلت على زوجي مثل الصاعقة وكان يحسبها تتغلى عليه طلبات وشروط طلبت شقة تمليك باسمها وتروح لاهلها يوميا وما تستغني عن وظيفتها وطبعا الدخان والتبرج هاذي من خصوصياتها منعته من اول يتدخل فيها عموما صارت تكلمني بدل زوجي وكل مااتصل هو عليها ماترد وانا قلت اكيييد حركات عشان يتمسك فيها ومن قلبي كنت استخير لزوجي ولمدة 4ايام عارفين وش صاااار كانت طيحة الاسهم وكان رصيده مقترضه من بنك 200000ريال لم يبقى منها سوى 40 الف ريال وانا اقول سبحانك يارب سبحانك ياناصر اليتامى والمظلومين والصلاة الحمدلله انا مواظبة عليها من اول لكن كان هناك تقصير في احيان بسيطة في السنن والوتر والضحى لكن بفضل من الله التزمت بها ولن اتركها ماحييت باذن الله ويابنات اذكار الصباح والمساء لا تفرطون فيها
ورحت لعزومتها صراحة الام والعروس اخذوني بالاحضااان وانا اقول يارب اعطيني خيرهم واكفيني شرهم بس كانت اختها جالسة وبس تحرق في نفسها وكلمت الام بعد ماقهوووني قلت ياام سارة جيتك ولا ترديني طبعا الام تنحت فيني قلت ابي اخطب بنتكم المصووون لزوجي قالت ليه وش السبب قلت ابد يبغى عيال وانا حملت مرتين واجهضت وانا اياميها لي سنة ماحملت آخر اسلاب لي يوم مات الحريري الله يرحمه وماكنت ادري انه عندي ضعف في المبايض ويا حبايبي الا الام تطلع سيجارة وتدخن والبنات معاها وربي حشروني تقولين قاعدة وسط محششين اعوذبالله وقالت انتي حلوة وباين عليكي بنت حلال قلت ياخاله وش فيكم صدق رسول الله صلى الله عليه وسلم يوم قال بمعنى الحديث الاسلام بدأغريب وسينتهي غريب عادي مو جداتنا كان لهم جارات بمعنى ضراير والا اختها اخت عروستنا تقول لا ما تصدقي الاول تتهنى والثانية تشقى لانها الهانم الثانيه وعن تجربه تقول الكلام هذا &&
وقلت ابد لما القى زوجي يكلم بنتكم ليل نهار وبالساعات ولما البس حتى احلى لبس القى زوجي يفكر ولما اساله عن العروس ينبسط وتنفرج اساريره ويازين اساريره
وواصلت رجاءي بالله وحده وكلها اياااااااام وتقول لزوجي انا حبيت احد غيرك وبطلت اتزوج قال من حبيتي قالت زوجتك حسيتها مثل اختي واتمنى ماتحرمني منها طبعا جاءني زوجي يجر ذيول الهزيمة """""
والحمدلله بعد شايفين عظمة الله وقدرته وبعد كذا زوجي كان مصدووووم ماكان يتوقع اني اتعرف على العروس وينتهي كل شئ وانا اقول الفضل لله وحده
وتعالجت من ضعف المبايض والان انا حامل بتوأم ماشاء الله تبارك الله واتمنى تدعو لي ربي يقومني بالسلامة ويرزقني شوفته ولدي بحضني لاني بانيه عليه كل امالي اما زوجي الله يثبته على طاعته دايم اردد عليه هالابيات
عفوا تعف نساؤكم في المحرم وتجنبوا مالايليق بمسلم
ان الزنا دين فان اقرضته كان الوفاء من اهل بيتك فاعلم
من زنى يزنى به ولو بجداره لو كنت يا هذا لبيبا فافهم
من زنى في بيت بربع الدرهم في بيته يزنى بالفي درهم
لا والف لا للطلااااااق
وعلى فكرة الحمدلله اهلي ربنا معطيهم وعندهم خير وانا جامعية و26 عمري لكن هذا كله ماغرني وياما حاول ابليس اعوذبالله منه لكن هيهات.....
والفايدة اللي اتمنى من كل بنات حواء الاستفادة منها
التقرب الى الله في الرخاء حتى يكن معك بالشدة واحفظ الله يحفظك وصلاة الليل والصلاة عالنبي صلى الله عليه وسلم الصبر عند المصيبة عدم اللجوء للناس عند المصيبة لانني واثقة مليوووون بالمية لو شكيت لاهلي ماتركوني في بيتي دقيقة وكنت لا سمح الله من المطلقات لعدم صبري والثقة بالله والاستغفار ومحاسبة النفس ولا تشمت باخيك فيعافيه الله ويبتليك وكنت اسمع مثل بيقولوه جداتي رحمهن الله ماتموت عين ولها دين يعني لا تغلطي باحد فترجع فيك او في احد من عيالك وسلامتكم
الصفحة الأخيرة
الله يعطيك العافية علي كل حال