محتاره بعد الابره التفجيريه و تحليل الدم ..:(

السلام عليكم اخواتي انا متابعه من فتره بعيده عن بعد و جدا بتعجبني نقاشاتكم و ثقتي بارائكم خلتني اتشجع و اكتب اللي صار معي
يا اخواتي رحت للدكتور خامس يوم الدوره اعطاني كلوميد و ابره تفجيريه و حكالي عن موعد الجماع و انا طبقت اللي طلبه الدكتور و بعد تأخر الدوره بيوم و كان ماضي على الابره التفجيريه 16 يوم بالزبط حللت بول بالبيت و طلع خطين حكيت يمكن يكون من تاثير الابره

عملت تحيليل تاني بعد يومين و طلع الخطين بسرعه و بشكل غامق حكيت مع دكتوري حكالي تعالي بعد انقطاع الدوره بأربع ايام و اليوم رحتله فحصني سونار ما بين الحمل لكن بين كيس عالمبيض .. المهم طلب تحليل دم طلع فيه هرمون الحمل ... لكن الدكتور ما اعطاني كلام نهائي يعني خلاني بدوامه حكالي بعد خمس ايام خليني اشوفك عشان اشوف ازا فيه كيس حمل او لا ...

و حكالي ممكن يكون هرمون الابره مؤثر على النتيجه بصراحه انا مش مقتنعه بهالكلام و ما بدي اعطي لحالي امل انه بالاول يكون تأثير الابره ماشي حتى بعد 19 يوم و كلامه خوفني انه الكيس ممكن يعمل انقطاع الدوره

بطلب من صاحبات الخبره و المعرفه تفيدني
و الله يسعدكم و يرزقكم ما بتتمنو