قصة ولادتي مع وصفة فتح الرحم ( قصه للتفاؤل )

السلام عليكم ورحمة الله 
الحمدلله مّن الله علي بولاده سهله بعد انواع القلق بعد ماعديّت موعدي بأسبوعين رغم ان الدكتور قالّي لاتنتظرين اكثر من اسبوع مو زين يصير شي للجنين ( بس بما اني اتطمن ع الوضع كل يومين ثلاثه صبرت الين مافرجه ربي من عنده بلا طلق صناعي بلا عمليه الحمدلله )ع فكره قبل الولاده بيومين بالزبط جانن اسهال اكرم الله الجميع ف رحت للمستشفى قالو ان شالله قربت الولاده لان الاسهال من اعراض الولاده !
ننطلق للاكشن :
طبعآ انا بكريه .. صحيت يوم الجمعه هذا اللي فات الصبح الساعه 7 ونص جتن مغصه وانا منسدحه قمت عشان اصلي لإنه فاتن الفجر الله يغفر لي .. فـ اول ماوقفت صب الما وعرفت انه ما الجنين من الوصف بالنت .. شعوري وقته شعور البنت اول ماتبلغ وتجيه الدوره ههههه ، وطيران لامي يمه كذا وكذا قالت انتظري تونا بدري ع المستشفى .. الغريب الما استمر ينزل ع شوي شوي الين الساعه 11 ، طبعآ مغص الدوره بدى من 10 ونص .. جت 11 شفت دم قالت مام مابدهاش حكي عالمستشفى !
رحنا المشفى والمغص محتمل ، كشفت الدكتوره تقيس ( طبعآ ولاول مره ) قالت 3 سم والظاهر انه فكّت كيس الما اللي يتسرّب من الصبح لإنه انكب كب ع السرير .. وبدت الطلوووق واتحمّل جا الدكتور كشف | بالبدايه قال الطفل يتعب لاجت الطلقه | افضل عمليه .. بعدين قال لا لازم تنقل بالاسعاف لحايل لان الامكانيات هناك افضل .. طبعا انا عند اهلي ( 100 كيلو عن حايل ) .. حولونن بالاسعاف ويووو وي ووو ، تخيلن معي الوضع طلوووق حاره وبالاسعاف طاير يرّج فيني ساعه بالطريق ياربي رحمتك !وصلنا كشفو لقوه 4 سم وصعدونّي كشك الولاده وعيّو ع امي بعد عيني .. المهم واتلوّى عندهن والمعامله زفت لانه حكوومي بعد ساعه قالت 5 وانا ادعي واتلوّى ( ع فكره اختي توهان مانسيتتس من دعائي ) الله يستجيب .. بعد نص ساعه قالت ولاده يلا قلت شلون انتي تو من نص ساعه تقولين 5 .. قالت يابنت ماودتس تولدين ؟ قلت الا قالت يلا 10 سم قلت احلفي مني مصدقه ههههه .. يعني الوصفه الحمدلله جابت نتيجه ( خلال نص ساعه او اكثر شوي فتح 5 ، غير اني يوم جيت المستشفى اول مره علطول 3 والالم الم دوره ) الحمدلله ياررربي ..وادفعي يابنت واكتم نفسي وادفع ، 5 دفعات او 6 والحمدلله ولدت .. انا اشوف ان طلعة الراس اهون بكثير من الطلق يمكن لان طلوق الولد مرّه حاره مادري .. والحمدلله ربي رزقن بكتكوت ربي يخليه ويصلحه $
الحمدلله الوصفه فادت معي يعني فعلآ تفتح الرحم بسرعه بعد الله .. رحت المستشفئ 11 الظهر و ولدت 4 وعشر العصر ماشاءلله وانا بكر ومعروف البكر تطوّل 
- الوصفه وصفة قمم التميز ( ينسون ونينخه وهالطقّه )- مالي يومين مولدّه جدآ تعبانه بس لعيون خفوق تقول اكتبيلي القصه قبل اروح موعدي ، ولا انا ناويه اكتب اذا ارتحت

دعوااتكم والله يفرّج لكل حامل ويرزق كل متأخره $