زوجي يقول لضرتي على اسراري

يمكن بدون قصد علمها

لأنه لو كان يعلمها اسرارك يمكن كان علمك أسرارها

حتى لو بالصدفة

احسني الظن ولاتعلميه بشي يخصك وشي مهم
اكتمي على اسرارك وخليها في بير حتى لو سألك
لاتعلميه بشي ابدا

وعشان ترتاحي حاولي انك تتجاهلي ضرتك ولا تشغلي
بالك فيها

يا قلبي انت عرفتي انه يقولها خلاص مولازم يعرف اللي بينك وبين اهلك ترا الرجال مايحترم الحرمه اللي تشكي له مشاكل اهلها او اللي بين اخوانها وانت خلي اسرارك لك واذا قصدك لو يقضي لك شي ويقول لها خلاص قضيه انت والا وصي خواتك يقضوه لك وخليني انبهك لشي  ضرتك كلامها مع زوجك قليل وصايره له غامضه فيحاول يكتشفها وهذا اللي مخليه يتكلم بامورك لانه ماعنده موضوع يفتحه معاها ويحاول يجذبها او يحرك الغيره فهمتي انا مجربه الشي هذا وانت خليك قليله الكلام معاه يعني يسالك تردي بس او يقضي لك شي او تعلقي على شي عادي يعني مايخصك ماتتطرقي لخصوصياتك ولا تحرقي اعصابك والله المفروض تحمدي ربك كشفه لك عشان تاخذي حذرك وتتعلمي من غلطتك وهي لو كررت الشي هذا معاك ابتسمي واحقريها راح تموت بغيظها 
وهي تبغى تفتح عليك المشاكل مع زوجك فانت لا تعطيها مجال تفرح عليك واعرف انه تصرفه يقهر بس تعاملي مع الموقف بحكمة ولا تفتحي ابواب على نفسك انت في غنى عنها وهي تبغى تزعزع ثقتك في نفسك وفي زوجك وهذا شغل الضراير فخليك عاقله ورزينه وواثقة وربي يهدي زوجك ويسخره لك ويسعدك دنيا واخره واعذريني كلامي مو مرتب حاولت اوصل لك اللي اقدر واتمنى فهمتيني 

زوجته الله يهديها غلطانه

تدرين يا أختي الواجب زوجك ما يعرف عن أهلك كثير يمكن هي ما تسولف عن أهلها عنده بعض الحريم تتكلم عن أهلها و....

مشكلتك مع أخوك مالزوجك فيها دخل الواجب كانت سر

وأنت قولي لزوجك وذكريه بالله وخوفيه من يوم القيامه اللي تكشف فيه الأستار إنه يفشي لك سر سواءً لأهله أو لزوجته

يا أختي ما فيه مثل الخوف من الله

حبيبتي اول شي اسرارك مع اهلك لا حد يدري فيها وخااااصه زوجك لو وش يصير لا تعلمينه وش صاير ببيت اهلك ابد ابد بس خبريه بالأشياء الايجابيه فلان شري له سياره اختي ولدت امي بتسافر كله اخبار حلوووة وثانيا أي شي يصير بينك وبينه ويعلمها طز فيه وفيها خلي يعلمهاااا مافي مشكله بس اسرارك الشخصيه مع اهلك لا وواضح نيتها تبي تخليك تتخانقين معاه فانتي طنشيها ولا تعطينها مرادها وتتمشكلي مع زوجك

عندي وعندك خير والله
كل سوالفنا عندها
صرت ماعلمه بشي ابد
واذا علمته مضطره حلفته بالله محد يدري