يتيمه ومجروحه ومضغوطه ساعدوووووني

مبروك عليكم الشهر الله يجعنلي واياكم من صوامه وقوامه ترددت كثير باني اعرض مشكلتي عليكم لكن من خلال متابعتي لكم وماوجدته من مساعده لبعضكم البعض قررت اسجل واكتب لكم معاناتي
في البدايه طلبتكم كل من دخلة موضوعي تدعيلي بتفريج همي وكل ماتذكرتوني لاني بامس الحاجه لدعائكم
مشكلتي قديمه مع الاسف لكني وصلت لمرحله مااقدر اتحمل بعد ضغوط وضغوط وضغوط
والنهايه متي ارتاح من كل هاذا
بداية في علاقتي مع امي طول الوقت وهي زعلانه مني واي شي اسويه تطلعني غلطانه
وممنوع اجادل ولازم اتحمل ودايما اقولها انتي ريحة من الجنه كلامك ع عيني وراسي بس حني علي تكفين 
وللاسف تصدني كل مره ترمي علي كلام مثل السم وماعندها الا روحي لابوك ذيك المقابر 
البيت لي ولوبغيت طلعتك منه وصلنا لمرحلة التطفيش لاتستغربون بجد الوالده الله يهديها تحاول تطفشني ع طول
وكاني موبنتها ومن كم سنه سفرة الشغاله وتقول يالله اخدميني لانه واجب عليكي
مع ان البيت كبير ومتعب الشغل فيه
ووالله يااخواتي ان امي لها حق اخدمها لكن ماتوصل لمرحلة انها تتصل في القريب والبعيد تسبني وفي اغلب المرات تحرجني قدام بنات قرايبي حتي كرهت اجتماعات العائله بسبب احراجها لي واني مااخدمها مع انها واجبه علي خدمتها
ووالله العظيم وفي ذا اليوم الفضيل ان كاسة مويه ماتاخذها بنفسها انا اقدمها لها مع انها في قمة نشاطها ماشاءالله لاقوة الابالله
 وطول اليوم اشتغل وانظف لكنها ماتنظر لهاذا شي ونظرتها لي اني مقصره في خدمتها اصحي قبلها وانام بعدها حتي لما اتعب بالموت تسمح لي اروح لدكتوره ولازم بعد مااخلص تنظيف وطبيخ يعني نهاية اليوم وكل ذا وانا متحمله وهي نظرتها لي دائماً اني بنت ابوي ماكاني بنتها
والله لايوريكم حجم المعناها وانا اسمعها تثير اخواني علي وتفتعل اي موقف وتبدا تصيح وتلعن علي اشد واقبح عبارات السب واللعن قدامهم وشي طبيعي شباب يطالعوا امهم بذا الموقف بكون انا الغلطانه 100٪
والله العظيم كل نهاية يوم ادخل فراشي اجلس اصيح للفجر وانا خاطري اكون مثل كل صاحباتي اشكي لامي واحضنها واذا حسيت في تعب اروح لها تحس فيني قبل اتكلم موتعاقبني في شي مالي دخل فيه وهو اني اصغر اخواتي وكنت مدلله عند ابوي الله يرحمه ونشا بينهم خلاف وقرر يتزوج لكن الموت كان اسرع عليه وراح عني وتركني اعاني قسوة امي
وربي اتحمل واتحمل وكل فترة اقول بكرا اتزوج واصير ازورها وتحس اني بنتها وتبدا تحبني من جديد
لكن موضوع الزواج حكايه ثانيه ان اخواتي كل وحده فيهم ترفض اي شخص يتقدم لي ويضغطون علي لان باختصار كل وحده من نظرتها للخاطب انه غير مناسب زوجة العسكري ترفض اتزوج عسكري وزوجة المدخن ترفض لان الخاطب مدخن وكل وحده فيهم تطالع عيب زوجها وترفض زواجي لذا السبب ووربي خاطري اقولهم انتم ليش مااطلقتوا من ازواجكم اذا اي شخص يتقدم لي تطفشوه
ووالله مافكروا فيني وفي عمري اللي راح وشعوري وانا اطالع بنات اصغر مني بكثير ومحتضنين اطفالهم وانا نفسي احضن طفل لي اهتم فيه والعبه واكله وبعوض نفسي فيه عن اشيا انحرمت منها
كل همهم اخواتي انهم يتركو بزرانهم عندي وياويلي اذا واحد منهم شكي مني اوعليت صوتي عليه مره قلت لاختي تهاوشني اني عصبت ع ولدها قلت لها لعب في التايد يفتحه ويرميه في الارض ردت علي عادي انتي فاضيه اذا طلعنا منكم نظفيه واختي الثانيه تضحك تقول ممكن ماتقدر تتاخر ع زوجها وعيالها من كثرهم ويضحكون كلهم وانا يادوب امسك دمعتي ماابغي ابين لهم اني مكسوره لابعد حد وبنفس الوقت ماابغي اكرهم لكن تصرفاتهم يوم بعد يوم تكرهني فيهم
انا وصلت لعمر ماعاد اسمع خاطب دق الباب لان كل الاغلب مقتنعين اني مااقبل فيهم وانا والله من زمان ومن وانا في عز شبابي وصحتي اتمني اتزوج واعيش الاستقرار في بيتي وشي خاص فيني بتقولوا موبالضروره الزواج كذا اقولكم عادي
اتحمل الضغط من زوج ويكون ولد لناس مو من اقرب الناس لي وهم اهلي
والله كرهت المناسبات لوكانت صغيره لان نظرة الناس لي تكسرني راح عمري وفنيت صحتي ودائماً افكر لوصارفيني شي من بيقوم فيني وين اروح ومن يكون معاي قسم بالله من اسبوع انام ساعتين واصحي من التعب والتفكير والضغط
نفسي ارتااااااااح حياتي كلها دموع قد جربتوا تبكون وماتلقي من يمسح دمعتك الا طفل يقول خاله ليش تبكين وبيده الصغيره يمسح دمعتي كثير اتمنئ لوكان ذا الطفل ولدي 
كل امنياتي يكون عندي بيت صغير وطفل
 احتاج احس بالامان ويكون ذا الطفل سندي بالحياه بعد الله
طلبتكم لاتدعوا ع والدتي واخواتي ادعوالهم ان قلوبهم تحن علي
وادعوالي تتحقق امنيتي لاني جد في حاجة دعواتكم