السلام عليكم و رحمه الله و بركاته
كيف حالكن أخواتي الغاليات إن شاء الله بخير و صحه
اليوم حبيت أطرح تجربتي عن مشكلتي في الحبوب و كيف
قدرت أني أتخلص منها و الحمدلله رجع وجهي المعتاد و أفضل
الحمدلله رب العالمين ..
بالبدايه ما كان عندي حبوب و فتره المراهقه كانت تجي و تروح بعد كم يوم
بس هالمره جات و يشكل فضيع و صار لونها بني ووجهي فاتح فمبينه كاني محترقه
و شكلها مقرف جدا..السبب يمكن يكون الحسد , و ممكن أسباب ثانيه أمي فكرت أنه
حسد لأني فاتحه يعني شوي و خلت خالي يقرأ لي في ماي و الصابونه اللي أستخدمها
بس ما جاب نتيجه و يمكن سبب ثاني و هو أني كنت أجرب خلطات و أشوف كل مره
شي و كريمات و غيره و ما أثبت على شي واحد و سبب ثاني الهرمونات ما كانت معي
الدوره الشهريه منتظمه , يعني تكون فيه أسباب فلازم تراجعي نفسك و تأخذي فتره راحه
طبعا النفسيه كانت نازله لأقصى حد و أختي قالت لا تجربي أي شي و راح نروح لعياده متخصصه
رحنا و سألتني اللي ممكن يكون السبب و عن الدوره و من متى أو كم صار له الحب فيك ..؟
و طلبت فحص كسترول , و صفت لي حبوب Roaccutane روكتين أو روكتان
مع مرطب لأن بشرتي جافه و لأن الدوء نفسه يسبب الجفاف نفس الشي تعتمد الجرعه
اللي تأخذيها
على حسب وزنك .. و ذكررت لي نقطه مهمه أن مثلا لو متزوجه و حامل ما تأخذي الدواء
أبدا لأن يسبب تشوهات للجنين و يسقطه .. أعتقد حتى المرضعه ما تأخذه ..
المهم في البدايه تحسي أن الحب يزيد بس لا تخافي يطلع كل الوسخ اللي داخل الجلد و بعد
فتره يبدا يتقشر .. و مهم جدا تكثري شرب ماي ..فتره اخذ الدواء و حتى بعده ..
و اليوم جايه أكتب بعد 6 شهور علاج مرن بدون ما أحس مع الدراسه كل شي يروح بسرعه خخخخ
و حتى زميلاتي في الكليه متفاجئات شو صار ..؟!
و أهم نقطه بشره الوجه حساسه فلازم تشتشيري دكتوره مختصه لا تسوي خلطات و غيره
و لازم تعرفي نوع بشرتك و تراعيها و تهتمي فيها ..
إن شاء الله أفتدكن ولو بالقليل أي أستفسار أنا جاهره ^ ^
في أمان الله و حفظه ..
في النهايه قلن جرعاتي من 30 لحد 10 g
كان بالصبح 10 g و بالليل 20 g
و اخر الايام صار 10g بالليل ..