شاسوي مع زوجي و الافلام

السلام عليكم ورحمة الله وبركاته.. بنات انا لحين ربي مارزقني بالذرية ، عندي مشكلة مع زوجي يجوف فيديوهات +١٨ ، سواء عربية ام اجنبية عرفت هالشي واحنا رايحين نحجز تذاكر حق شهر عسلنا ، اهو نازل مخلي تيلفونه وكنت بشبك اليوتيوب على شاشة السيارة وشفت السجلات.. بعدها نكر ان اهو قلت له بايميلك مسجل دخولك باليوتيوب.. ونكر وبعدين اعتذر واعترف صارت مشكلة طوفتها له مره ثانيه وانا بالفراش معاه يا بنات تتخيلون يشوف فيلم عربي +١٨ يعني انا شنو ناقصني كل شي اسويه له كل شي ما ارده حايفته حوووف وانا ساكنه ببيت اهله وغرفتنا قبال غرفة اخوه الكبير ومن تصير مشكله يعلي صوته ويضربني خفيف وما اتكلم ماقلت حق اهلي.. طوفت السالفة ولكن امبارح شفت ان مطرشين له فيديو عاريي على الواتساب وكنت جنبو وبسرعه بسرعه صك الشاشة عشان ماشوف! يعني انا شاسوي بدنيتي يقولي هم يطرشون وانا ما اشوف اقوله شلون ماتشوف اكا شفته ليش مامسحته جدام تنطرني امسحه لك وكذا مره اوعيه ان هالشي حراااااام والله حرام حتى لو مطرشين لك واهو صلاته مو قائم عليها دايم وعجزت اقوله و اوعيه كاني اوعي بزر انا علاقتي مع والدتي سطحية لان تفضل اختي علي ، ولا اقدر اقولها لاني اخذته على حب واخاف تقولي انتي الي بغيتي هالشي تحمليه.. شاسوي يا بنات والله اني اصلي واخاف ربي وصاينته بوجوده و فغيابه فكرت اني ادخل والدته ف الموضوع واقولها بس اخاف من ردت فعلها