يا لباسات العبي 00وامهات البزران 00حياكم0

اولا وبعد السلام عليكم ورحمة الله0 حابه افيدكم بشيء لا تكاد شنطتي تخلو منه وين ما اروح وبما اني من لباسات العباة00دايما اذا زرت احد 00 او اكلت في مطعم 00لابد من الحوسه ونقطه صلصه هنا والثانيه علي الملفع00 (الصراحه انا من النوع الي يبيلي سدرية اطفال 00)الي ان اكتشفت المناديل العطريه0 او المعطره البيبي وايبز00والي نستخدمهم ايضا لمنطقة الحفاظ00الصراحة صرت ما استغني عنهم لي ولعيالي وين ما اروح مسحة بسيطه 00وتفكك من الاحراج00خاصة لا بربس الياهل بالكتشب والميايونيز في المطعم ووتعبتي من الروحه والرده علي الحمام 00ايضا لا استغني عنهم لتنظيف اطراف عباتي من التراب 00قبل لا انزل اي مكان 00وكذلك الجواتي والشحاطات00والنعل00احيانا اكتشف لبخه هنا وهناك 00علي ملابسي من عيالي الله يصلحهم علي طول اطلع السحري والمنقذ00المناديل المنظفه00وانتهت المشكله00انظف فيهم الشنط والمحافظ لي ولزوجي00انظف فيهم شاشة اللاب توب وقيسي عليه كل شيء محتاج تنظيف00التلفون النقال وتلفون البيت00صرت ما استغني عنه ابدا احط في شنط عيالي كل واحد 00كيس 00وعلمنهم طريقة استعماله عند الحاجه طبعا متوفر باجام انا قمت اخذ من ابو 100 فلس درازن طبعا اضل الي بدون عطر العادي00طبعا للتنظيف اما للوجه استخدم المناديل الوايبز الخاصة للبشرة وازالة المكياج لان البشرة حساسه اخاف اغامر بابو 100 الي ابي اوصله لكم خواتي ان هذي المناديل الصراحه جدا مفيده00واستعمالاتها كثيرة00انت واحتياجاتك00 اختي من النوع الي يوسوس في استخدام الحمامات العامه او حتي لي زارت اي احد00تقول00افتح الكيس وانقط كم نقطه ديتول واستعمله لي دخلت الحمام بالمسح ونتو بكرامه علي المرحاض00هذي الي عندي حاليا واذا تذكرت شيء برد لكم واتمني فدتكم ولو بشيء بسيط ويا ليت ما يكون الموضوع قديم او مكرر00والسمووووووووووووووووووووووووحه0