((شكولاين والا باتشي؟؟))سووووو دليشيز

بسم الله الرحمن الرحيم
السلام عليكم ورحمة الله وبركاته

يسعد مساء احلى صبايا بأحلى عالم

اليوم جبت لكم حلى جبااااااااااااااااار محد ح يصدق انو انتي الي سويتيه

هوا حلى قهوه...
نجي للمقادير

2بسكويت مكفتز((the original digestive)) 250 g او واحد كبير
علبة حليب نستله المكثف المحلى((حليب مركز))وسط
اصبع زبده صغير
شوكو بار((جالكسي او ايا شوكولاته تحبيها))
ممكن كمان تحطي مكسرات((لوز مطحون او فستق مطحون)) وكمان جوز هند

الطريقه...
خذي البسكويت وحطيه في كيس بلاستك وفتتيه بإيدك تمام تمام اذا لاحظتي فيه قطع صغيره مرررررررررره عادي هذي تعطيه طعم احلى ((لاتطحنيه في المشين لانو ح يخليه زي الباودر واحنا مانبغاه كذا))<<<يارب تكونوا فهمتوا عليا
بعدين ذوبي الزبده وحطيها ع البسكوت ((المفتت)) اخلطيهم سوا وبعدين حطي الحليب معاهم انتي شوفي كمية الحليب انا بصراحه مرات مااخلص الحليب كلو يعني انتي شوفي اذا قدرتي تكوري((سوي كوره وشوفي)) الخليط مع بعض من دون مايتفكك ولا يتغير شكل الكوره بعد فتره صغيره يعني كذا تمام
كوري الخليط كوره كوره كوره لحـــــــــــــــــــــــــــــد مايخلص
ذوبي الشوكولاته في حمام مائي((اذا تحبي جيبي من شوكولاين او باتشي قطع الشوكولاته الساده يطلع طعمها مررررررررررررره جبار احلى م الجالكسي))
غمسي الكور في الشوكو وحطيهم ع قصدير دخليهم الثلاجه واستني لحد ماتجمد الشوكو الي عليها خذيها وحطيها في القوالب الورق الصغيييييييييييييييره يطلع شكلهم مرررررررره حلو.

ممكن تقسمي الشوكولاته الذايبه اقسام تخلي جزء ساده وجزء تخلطيها مع مكسرات وجزء مع جوز الهند وتغمسي الخليط فيها بكذا يصير عندك شوكولاته بالمكسرات وشوكولاته بجوز الهند وشوكولاته ساده.

اعتذر منكم ياحلوات ع سوء التعبير((مااعرف اشرح ابدااااااااااااااااااااااا)):(
جربوها والله طعمه مرررررررررره
اذا مافهمتوا قولوا لي عشان احاول اوصل المعلومه الصحيحه ((عادي لاتستحوا)):26: