معلمه اولى ابتدائي تمنع طالبه تروح لدوره المياه<<لو كنتي ام الطالبه كيف تتصرفين

التصرف السليم بمناقشة المعلمة الصف بود واخبارها عن الاضرار التي تلحقها بالطالبة بسبب التصرف الغير سليم وبعدين اذا لمعلمه ما اقتنعت ما راح تقدرين تتصرفي باي شي ثانيا المعلمه اذا ارفضت خروج الطالبة هي الي بتاكلها بالاخير لمى يصير الي يصير؟؟؟؟؟ بتروح نصف الحصة في تنظيف الفصل وغيرة ثانيا اذا المعلمه لا تملك حسن التصرف المفروض الامهات يعلمون بناتهم التصرف الصحيح وهو قبل الذهاب الى المدرسة الذهاب الى الدورة المياة واثناء الفسحة تذهب ايضا الى دورة المياة وبكذا يقل عدد الطالبات الي يبون دورة المياة وما تطفش المعلمة خخخخ

طيب اذا صار الي صار ورفضت المعلمه
ممكن نناقش المديره ؟؟؟؟ صح والا لا..؟؟
وممكن نرفع خطاب شكوى لاداره التعليم....؟؟؟
وممكن اكفخ المعلمه ؟؟؟؟؟؟؟؟ظظظ

يمكن فعلا على قولتها جننتها
لان بعض البنات اهم شي يطلعون اذا بتطلع وحده كل شوي مابقى احد الكل يبي يطلع الحمام عشان يطلع >>>مو مدرسه ترا خخخخخخ بس الاحظ البنات وحركاتهم الكثيره

ياقلبي ماادري وش اقولك بس هذولا صغار ابتدائي وش عرفهم ممكن صدق تبي الحمام تخليها تروح

وليت كل الطالبات لما يصير لهم موقف يحكون لاهلهم حرام توقف بنت ليه صغار ويتاثرون ويتعقدون جايين من بيتهم وعالم جديد عليهم ربي يحفظهم افكر بالصغار كلهم من جد وربي لايسامح كل مدرسه ظالمه ماتمسك نفسها عالاقل تتحمل شوووووي

الناس صارت تحس تفهم وتطورت وتعامل كويس وهذولا باقي في التخلف

اختى انا ضد منع اى طالبه مهما كان عمرها من دورة المياة
اولا ايش انثبري ؟ عيب هاللفظ
ثانيا يمكن البنت فيها تكسر فيها كلى فيها سكر حرام منعها من دورة المياة
ثالثا المعلمة ملزمة بقرارت ادارية يعني الثالثة ماتطلعين بنت تنتظر الفسحة السادسة تنتظر وقت الصلاة الرابعه والسابعه لسا جايه من فسحة ليه ماراحت ومع كذا ضد منع الطالبة ابدا وما التزم واطلعهم اقول ما ادرى بظروف البنت ولا ابي اتسبب لها بمشاكل صحية
لكن احنا ماكنا مع المعلمة ولا ندري ليه منعتها من دورة المياة
لو فكرنا شوي
1- يمكن هى كل ربع ساعه تبي تروح ؟
2- يمكن معروفة بالمدرسة تروح اتفاق مع بنت من فصل ثاني ويظلون بدورة المياة؟ تراها تصير يتفقون ويطلعون بنفس الوقت من الحصص مرت على طالبة اول كل حصة تستاذن وتروح دورة المياة متفقه مع بنت عمها على هالشيء لا تقولين اولى ابتدائي ما يسونها لان اولى الان تتصرف وتفهم بمثل اللى عمرها 13 من زمان اول حتى لو كانت اولى جايز تسويها
3- في بنات يروحون كثير دورة المياة يضبطون شكلهم ويتمشطون او بس تمشيه
يعني جايز المعلمة عندها فكرة عن البنت لهالسبب منعتها ماكنا مع المعلمة ولا ندري ليه منعتها
لكن اظل ضد منع الطالبة من دورة المياة او حتى من شرب الماء ماندري عن ظروف الطالبات الصحية

لو انا امها كنت كلمت المديرة وقلت لها الموقف بدون اسم الطالبة وقلت لها تنبه المعلمة ما تمنع احد من دورة المياة ومو شرط تكون امها يعني امك المفروض لانها شافت الموقف ما تسكت وتروح للمديرة يمكن الطالبه الممنوعه ماعندها من يكلم المديرة
وبالنسبة لتوقيف الطالبه برا الفصل انا ضده ابدااااااااا
وحتى داخل الفصل البنات عندهم ظروف ما نعرفها مرة معلمة الظاهر وقفت الفصل كله لانها استحالة تكون وقفت هالبنت لانها الاولى على المرحلة 100% ومؤدبه لابعد الحدود ومحترمة البنت ماتكلمت ولا قالت شيء اليوم الثاني جات زوجة اخوها ودخلت غرفة المعلمات وتكلمت بكل ادب قالت لا توقفون فلانه لانها مريضة بالقلب امس وحدة منكم وقفتها طول الحصة لذلك لاتوقفون احد ابدا