@@صفاء المشاعر@@
يمكن حاطين معها شوي حليب سايل اللي نحه على الشاهي شوي مو كثير
فيه ناس يستعملونه مع الزعفران يغير الطعم
الووووتين
الووووتين
ممكن حاطين معها مستكة في ناس تحط منها شوي يعد ماينتهون من تحميص القهوة طبعا وهي حارة علشان يذوب وممكن من نوع الزعفران لان الاصلي ريحته في القهوة جنان
Eام عصومي E
Eام عصومي E
هذا الزعفران اللي يجي العلبة الصغيرة ب 200 ريال انا اشتريت منه بعد ماعانيت من الزعفران القديم والحمد لله صاروا الناس يطلبون قهوتي
كازيز روز
كازيز روز
نفس الحكايه انا منقهره من قهوتي موب زينه
نفس الحكايه انا منقهره من قهوتي موب زينه
شوفي ياقمر انا من الناس اللي ماتهمني القهوه بالحيل أقصد يعني ماأدقق بالطعم واجد والمتوفر أشربه:04: الى أن شفت خلق الله يتحرفون ويبدعون بالقهوه وشي يهبببببببببببببببل وشي الله بالخير ماعندتس أحد لذا قررت أنا ياكازيز روز بالبحث والتحري:angry: الين طحت لي على عضوة سنعة ماشاء الله عليها مسنعة هذيك القهووووووووووووووووووووووووووووووووووووووووة اللي تصك الراس من حلاتها ومن حلاة ريحتها بعد <<<<عاد تحمليني يالغلا من زمان ماسولفت:35: بس قبل لاأنسى أشكر الغالية راعية الخلطة والله يجزاها خير
اليك ياعزيزتي المقادير:




تاخذين ملا يدينك شيبة وتطحنينها+علبة كوفي ميت صغيرة+فنجان قهوه حليب بودرة ويفضل وادي فاطمة+ ملعقة أكل او اكثر بقليل زعفران من الغالي مطحون+ ملعقة صغيرة مسمار المسمى قرنفل ايضا+ علبة مسحوق صفار الزعفران حطي نصفها اذا ماتحبين اللون يصير اصفر بالحيل الكل يخلط مع بعض ويوضع بعلبة ثم اذا وضعتي البن على النار ينطبخ حطي من ذا الخلطة ملقة وسط او صغيرة حسب برادك واذا حبيت تحطين حبات من الهيل ماهيب شينه وتمتعي عزيزتي بقهوة تغنيك عن السؤال مرة اخرى :cook:وبتخلي من يشربها يسألك عنها بس داخلتن عليتس اذا عجبتس الخلطة لاتنسيني من الدعاء ان الله يفرجها علي ويصلح لي ولدي ويهديه ويحنن قلبه علي ويعيني على قضاء ديني ويستجيب دعائي <<<<<<<<<<<<<<<<<<<كني طرارة

وسامحوني ع الاطالة
:27:
{ NORA}
{ NORA}
الله سيعدكم ويجزاكم خير

أم عصومي بـ200والله غالي وش كبر العلبه طيب ؟؟؟؟


كازيز الله يسعدك ويفرج همك ويصلح ولدك ويهدي قلبه عليك


أنتظر الأخوات الثانيات ببعض الأفكار والأبداع