اليوم قررت اعمل بحث في الجوجل وادخل منتديات اجنبيه عشان اشوف طرقهم للحفاظ على البشره وهل عندهم خلطات غير عن الي عندنا ,,,
الصراحه لقيت مواضيع كثيره وتفاجأت ان في خلطات كثيره موجوده عندهم واهي موجوده بمنتدانا من زمان
بس المفاجأه واللي شفت ان اغلب البنات في هذا المنتدى الاجنبي يمدحونه وعلى فكره اغلب المشاركات في هالمنتدى امريكيات وكنديات
المفاجأه كانت !!!!
زيت السمسم
يمدحونه كثير للبشره والشعر بس اكثر شي لقيتهم يمدحونه للبشره واهم يستخدمونه كمرطب للبشره ومزيل للمكياج ولوشن يوضع بعد غسل الوجه بالليل قبل النوم ويغسل الوجه الصبح جيداً
طبعا بما انه زيت اكيد كلكم خايفين على بشراتكم وخاصه البنات الي عندهم بشره دهنيه مثلي :D
بس كاتبين انه خفيف ومودهني بالعكس يرطب البشره ومو ثقيل مثل زيت الزيتون
ومن فوايده توحيد لون البشره ويصفيها وحتى قريت ان البنات الي استخدموه ماقامو يحطون المكياج الصبح لأن الوجه صار يشع نور :icon28:
ويمكن استخدامه لصنفرة الجسم بخلط ملعقتين من الملح مع 5 ملاعق من الزيت تفركون به كامل الجسم مثل الصنفره العاديه
وبعد يمكن استخدامه لازالة بقايا المكياج من الوجه
انشالله باجر اروح اشتري الزيت واحطه بالليل واخبركم بالنتيجه بعد يومين :27:
ملاحظه زيت السمسم هو نفسه زيت السمسم الي يستخدم بالطبخ وفيه نوعين نوع محمص ونوع غير محمص وطبعا غير المحمص اهو افضل لأن النوع المحمص يفقد جزء من فوايده اثناء التحميص
انشالله اكون افدتكم :)
قهوره @khorh
كبيرة محررات
يلزم عليك تسجيل الدخول أولًا لكتابة تعليق.
احلي حلوة
•
مشكوووووووووووووورة اختي
عجبني فكرة استخدامة كمزيل للمكياج..ان شاء الله بجربة
مشكووورة على هذي المعلومات المفيدة
تحياتي
مشكووورة على هذي المعلومات المفيدة
تحياتي
الصفحة الأخيرة