وش السواة زوجي وهالدكتورة

الأسرة والمجتمع

بنات وبدون مقدمات صار لي موقف مع زوجي وانا مقهورة منه زوجي طبعى المصون عيونه زايغة لدرجة ماتتصورونها وصارت مشاكل بيني وبينه حتى بالمستشفى حطيت له شروط اذا اللي على الاستقبال حرمه انا اتكلم معها واذا رجال انت اللي تتكلم معه المهم كذا مرة يسوي فيني حركة يامسكي الولد ولا الولد يبكي وهو المصون اللي يتكلم معهم اللي صدق قهرني كان عندي مراجعه وهوكان عنده تنظيف اسنان قبل تقريبا ستة شهور وقلت له اذا حرمه لا او على الاقل نادني اكون معكم في الغرفة لان هذا مايجوز المهم قال خلاص ورحت لموعدي وخلصت قلت خليني اروح واشوف وينه وادخل الغرفة الا المحروس جالس ينظف اسنانه مع الدكتورة لحالهم وهي من شرق اسيا هنا انا زعلت وصارت سالفة طيب اذا مرة نادني بالجوال وعديتها له بس اللي قاهرني انو حاجز عندها يوم الاثنين الجاي انا ساكتة كني مدري بس سمعته وهو داق على المستشفى يحجز بنات انا مقهورة ليش ضاقت الدنيا على هالدكتورة بنات محتارة اخلية يروح والا ارفض لاني ما ابغى ينكسر كلامي :(
52
6K

يلزم عليك تسجيل الدخول أولًا لكتابة تعليق.

تسجيل دخول

روند-
روند-
لاتتعبين نفسك اخرتها بيصير عندك الاحساس معدوم وعلى فكرة توقيعك هزني وبكاني
زمن الذكريات ^_^.
احس عادي يحجز عند الدكتوره يمكن اعجبه لشغلها بعدين احسك مكبره السالفه مع احترامي لك بس احس عادي يروح عند دكتوره هذا رايي
!! بحة الشوق !!
!! بحة الشوق !!
طنشي ياعسل
الروح الوفيه
الروح الوفيه
الله يعينك
عزتي وشموخي
عزتي وشموخي
ياختي هدئ اعصابك ولاتكبرين السالفة ولاتحطين بباله شي يمكن هو مايفكر فيه وغير كدة خففي غيرة عليه ترى الرجال يملون من الغيرة الزائدة بعدين حتى لو كلم الاستقبال انتي موجودة يعني كيف بيغازل يعني شي قدامك والدكتورة عن نفسي اشوف عادي يمكن يكون شغله تمام لا اكثر ولا اقل وخلي ثقتك بنفسك زائدة لاتبينين له انك تغارين من اي احد ترى الرجال يفهمون الغيرة على انه نقص في المراءة خلي ثقتك بنفسك اكبر من كدة وتوكلي على الله وادعي يسخرلك زوجك ويحفظ قلبه وبصره عن الحرام