مشكلتين امي ملمحه لقريبنا يخطبني وتزوج ؟جحيم بيتنا بسبب زواجه

بسم الله الرحمن الرحيم
اللي ماتعرف مواضيعي تقري هالموضوع اولا
https://www.hawaaworld.com/showthread.php?t=460488...

بنات الان قريبنا ماشالله تبارك الله تملك وزواجه قريب الله يوفقه امي قلبت حياتنا جحيم ماكنت ادري انها ملمحه لهم الا بعديين كنت شاكه بس بالذات لازم بكل مجلس تذكر ولد خالي وهو صغير ش يقول عني سالفه حفظوها نص جماعتنا انه يقول : انه شعري طويل كيف تغسله ماشالله حكي اطفال و ازعجتنا عاد امي بهالسالفه والان قاصته منذ مبطييييييييي انااا
قليل ما احظر مناسبات ومن زمان ماجيت لاقاربنا قبل اسبوعين شفت ام ولد خالي وعادي سلمت عليها واموري عاديه الين حسيت امي ملامحها قلبت بتعصيبه ومالها خلق الجلسه وجدتي بالمثل حزيينه
وللامانه مو مدح لمرت خالي هي ماتبينا اوكيه لكن ظلميتها شينه ماتتدخل في اي احد ولاعليها من اي احد كافه خيرها شرها لكن تحب تلمح للحموله ماحب الجمعات الكثيره عشان ماتعزمهم وماحب الخ
لكن نظرتها لي بشفقه وانها منحرجه مني استغربتهااااا وتبي تشوف اسولف معها عادي اولا وكل سالفه وسالفه تطالعني وكذا مرره مرره استغربت حركاتها يعني ليكون قصدهااا اني ماتزوجت الي الان انتظر ولدهااا يخطبني ؟؟؟؟؟؟؟؟؟؟؟؟؟

مرره صراحه موقف لا احسسسسسد علييييييييه شكل ور هالحركات كلام وكلام من وراي مايندري وشوووووو وخالي واحد ثاني مو ابو هالولد مر وماسك ضحكته ويطالعني مره استغربت وش هالحركات الغريبه هذولي وش قصتهم !! مالفين سالفه من راسهم ولا ايش الهرجه بالضبط

المهم امي قلبت حياتنا جحيم كانت تبي تفصلني من دوامي عشان اتزوج باي طريقه قبل ولد خالي هذا لانه امه معلنه للجماعه تبي ارقام بنات ماتزوجوا بس ماتبي اقار ب بس تذكر ابوي قسط السياره اللي انا اسدده وحاول يصرفهااااا

طلعات مافي صديقات مافي روحه جيه ماعاد فيه عمره امي رافضضضه تقول اعرسي حجج عييييت تخليني تقول اعرسي جالسه تعاقبني عشان الولد هذا تزوج انا وش دخلني فيييه الله يخليه لاهله ويوفقه ماجبت خبره لا هو ولاغيره

الان ابوي يهدي شوي ويرجع شوي من ناحيه النذاله وامي زززن فوق راسه شوفها طلبت من المطعم شوفها رجعت من الدوام ومعها عصير وصلت فيهاااا اقسم بالله اقسم بالله اليوم تسحب فراشي اللي احطه للناس كمنظر بس اني امس تلحفت فيه لانه لحافي مودينه المغاسل خذته للغرفه تقول والله ماترقدين عليه توصخينه !! اصلا محددد يجينا والله وان جونا الناس مايدخلون غرفنا لذلك له ثلاث سنين شارينه وماننام فيه بس اذا سمعنا احد جديد جا حطيناه علي السرير
وابوي قوووة تعزيز لها يبيها تسكتتت والان تبي تبيع بيتنا وكذا تبي مكان ثاني وهي زن فوووق راسه فهو الان وش يبغي يسوي يبغي يخلص موضوع اني اتزوج باي طريقه عشان يفتك من كلامهااااا لاتستغربون اللي اقوله للاسف ابوي كذاااا من نذالته يطفي حتي المكيف علي عشان ترضى ابوي تري مايسوي هالاشياء حب فيها يبغي منها مصلحه بعرفها الايام الجايه هو مايرجع يسوي كذا الا اذا طلعت له مصلحه جديده


يابنات حظرنا مناسبه لقريبه لنا من الدرجه الاولي زواجها ماشالله يعني لازم نروح وحصلت بنات مو متزوجات لكن والله ماشالله ماشالله عايشات حياتهم بشكل طبيعي يستاجرون شاليه يتعشون بمطعم يتقهون بكوفي يحظرون زواجات يسافرون عمره لوضع طبيعي ويقولولي خلنا نطلع وكذا وانا متفشللله وش اقول امي حابستني لانها تبيني اتزوج باي طريقه
وتقول والله ثم والله لو طولتي عندي الي سن ٣٠ لا اقبرررررررك بيدي
قعدت افكر امي وش وضعهااااا ليه كذا تسوي انا محتاجه اروح العمره بفلوسي واخوي موافق وراحت لاخوي وقالتله انتبه خواتك ذولي لاتعطي احد منهم وجه وعش لنفسك وتزوج ولاتودي ولاتجيب هذي وصيتي لك وخلهم خدامات لو تبي خلهم يعرفون انه مالهم الا العرس ؟؟؟؟؟؟؟؟ اخوي يبغي يقصر الشر وش يقول يعني صار اصلا ماعاد يكلمني خير شر وتعامله زززفت وكل ماشافته يكلمنا قالت لاتسولف معهاااااا روووح واتركها هالعانس تري بغضب عليك وبدعي عليك لو شفتك مسفرها بيوم او مطلعهم


بنااااااااااااااات انا تعبت تعبت تعبت واللي بتنصحني اتزوج عشان افتك من امي توفر نصيحتها لنفسها انا داخليا تعبانه نفسيا ماعاد لي نفس لا للاسره ولا عندي طاقه لا للحب ولا للمشاعر ولاعندي رغبه للاطفال ثانيا انا اذا ماجاني اللي مقتنعه فييه ميه بالميه ماراح اتزوج ونظام اهم شي الزوج الصالح وش عرفك بصلاحه عشتي معه تعرفينه ؟؟؟؟ تري بالنهايه مالنا الا المواصفات اللي بالظاهر من ناحيه وظيفه ومستوي مادي كويس وشكللل كويسسسس واصل كويسس ومحد كامل طبعا الكامل وجه الله ومو كل بنت تتقبل فكره انها اهم شي تتزوج وخلصنا عشان مايطلق عليها عانس لا والله فيه بنات يا اما هاك الفتي اولا
بس لاني الفتره هذي حضرت مرتين لاقارب لنا حسيت انه العرس بالنسبه لاكثر الناس شي واو واللي ما اعرست ينظرون لها بشفقه طيب انا شكيت لكم الحال طيب ماجاني امير عشان تحسسوني العررس واااااااااااو !!!! الله يصلح الحال بس هههههههههه